Болгариянинг София шаҳрида ўтган бадиий гимнастика бўйича Жаҳон кубогининг 2-босқичида ўзбекистонлик Тахмина Икромова 1 та олтин ва 2 та бронза медалларини қўлга киритди. Бу ҳақда Миллий олимпия қўмитаси матбуот хизмати хабар берди.

У олтин медалга тасмадаги машқда сазовор бўлди. Тўпдаги дастурда эса бронза медалига эга чиқди. Шунингдек, ушбу босқич доирасида кўпкураш йўналишида ҳам бронза медали билан тақдирланди.

Тасма:

  1. Тахмина Икромова (Ўзбекистон) — 30.900;
  2. Элжана Таниева (Қозоғистон) — 30.900;
  3. Барбара Домингос (Бразилия) — 30.650.

бадиий гимнастика, тахмина икромова

Тахмина Икромованинг тўпдаги дастурдан сўнг олган бронза медали / Фото: МОҚ

"Газета.uz"да реклама

Тўп:

  1. Стилияна Николова (Болгария) — 35.000.
  2. София Рафаэли (Италия) — 33.150.
  3. Тахмина Икромова (Ўзбекистон) — 31.750.

Тахмина Икромова аввалроқ Грецияда ўтган Жаҳон кубогининг 1-босқичида кумуш медални ҳам қўлга киритганди.

Спортчи ушбу муваффақиятига булавада бажарган дастурида эришди. Унинг чиқиши ҳакамлар томонидан 31.700 балл билан баҳоланди.

Эслатиб ўтамиз, мусобақанинг якуний — 3-босқичи 14−16 апрель кунлари Тошкент шаҳрида бўлиб ўтади.