Bolgariyaning Sofiya shahrida o‘tgan badiiy gimnastika bo‘yicha Jahon kubogining 2-bosqichida o‘zbekistonlik Taxmina Ikromova 1 ta oltin va 2 ta bronza medallarini qo‘lga kiritdi. Bu haqda Milliy olimpiya qo‘mitasi matbuot xizmati xabar berdi.

U oltin medalga tasmadagi mashqda sazovor bo‘ldi. To‘pdagi dasturda esa bronza medaliga ega chiqdi. Shuningdek, ushbu bosqich doirasida ko‘pkurash yo‘nalishida ham bronza medali bilan taqdirlandi.

Tasma:

  1. Taxmina Ikromova (O‘zbekiston) — 30.900;
  2. Eljana Taniyeva (Qozog‘iston) — 30.900;
  3. Barbara Domingos (Braziliya) — 30.650.

badiiy gimnastika, taхмина икромоva

Taxmina Ikromovaning тўпдаги dasturdan so‘ng olgan bronza medali / Foto: MOQ

"Gazeta.uz"da reklama

To‘p:

  1. Stiliyana Nikolova (Bolgariya) — 35.000.
  2. Sofiya Rafaeli (Italiya) — 33.150.
  3. Taxmina Ikromova (O‘zbekiston) — 31.750.

Taxmina Ikromova avvalroq Gretsiyada o‘tgan Jahon kubogining 1-bosqichida kumush medalni ham qo‘lga kiritgandi.

Sportchi ushbu muvaffaqiyatiga bulavada bajargan dasturida erishdi. Uning chiqishi hakamlar tomonidan 31.700 ball bilan baholandi.

Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.

Eslatib o‘tamiz, musobaqaning yakuniy — 3-bosqichi 14−16-aprel kunlari Toshkent shahrida bo‘lib o‘tadi.