АҚШнинг Лос-Анжелес шаҳридаги Dolby Theatre биносида 95-маротаба «Оскар» мукофоти номинациялар бўйича ғолибларига топширилди.
Энг яхши бадиий фильм — «Ҳаммаси ҳар жойда ва бирдан» фильми бўлди.
Йилнинг энг яхши актёри номинациясида «Кит» фильмидаги роли учун Брендан Фрейзер, энг яхши актриса сифатида эса «Ҳаммаси ҳар жойда ва бирдан» фильмидаги роли учун Мишел Ео «Оскар» мукофотига лойиқ топилди.
Энг яхши режиссорлик иши номинациясида ҳам ғолиблик «Ҳаммаси ҳар жойда ва бирдан» фильми ижодкорларига — Дениель Кван, Дениель Шайнертга тегишли бўлди.
N️etflix Animation маҳсулоти бўлган «„Пиноккио“ Гильермо дель Торо» мультфильми энг яхши анимацион фильм номинациясида ғолиб бўлди.
Шунингдек, йилнинг энг яхши ҳужжатли фильми номинацияси Канадалик режиссёр Дениел Роэрнинг «Навальний» кинокартинасига тегишли. У 2020 йилнинг ёзидан, Алексей Навальний заҳарланиб касалхонага ётқизилганидан 2021 йил январигача бўлган воқеаларни ўз ичига олади. Мукофотни топшириш маросимига Навальнийнинг оила аъзолари ташриф буюрди.
Чапдан ўнгга: Дариа, Юлия ва Захар Навальний ҳамда Даниел Роэр. Фото: Карлос Барриа / Reuters.
Энг яхши бадиий фильм — «Ҳаммаси ҳар жойда ва бирдан». Фото: www.viki.com
Энг яхши анимацион фильм — «„Пиноккио“ Гильермо дель Торо» мультфильми. Фото: Netflix.
«Оскар-2021» мукофоти совриндорлари:
- Энг яхши фильм — (Everything everywhere all at once) «Ҳаммаси ҳар жойда ва бирдан»
- Энг яхши режиссорлик иши — Дениел Кван, Дениел Шайнерт, (Everything everywhere all at once) «Ҳаммаси ҳар жойда ва бирдан» фильми учун
- Энг яхши актёр — Брендан Фрейзер, «Кит» фильми учун
- Энг яхши актриса — Мишел Ео, (Everything everywhere all at once) «Ҳаммаси ҳар жойда ва бирдан»
- Иккинчи пландаги энг яхши актёр — Ке Ҳюи Куан, (Everything everywhere all at once) «Ҳаммаси ҳар жойда ва бирдан»
- Иккинчи пландаги энг яхши актриса — Жейми Ли Кёртис, (Everything everywhere all at once) «Ҳаммаси ҳар жойда ва бирдан»
- Энг яхши оригинал сценарий — (Everything everywhere all at once) «Ҳаммаси ҳар жойда ва бирдан»
- Энг яхши сценарий адаптацияси — (Women talking) «Аёллар гапиради»
- Энг яхши хорижий фильм — «Ғарбий фронтда ўзгариш йўқ», Германия
- Энг яхши анимацион фильм — «„Пиноккио“ Гильермо дель Торо»
- Энг яхши оригинал саундтрек — «Ғарбий фронтда ўзгариш йўқ»
- Энг яхши қўшиқ — Наату Наату, «RRR»
- Энг яхши операторлик иши — Жеймс Френд, «Ғарбий фронтда ўзгариш йўқ»
- Энг яхши монтаж — Пол Рожерс, (Everything everywhere all at once) «Ҳаммаси ҳар жойда ва бирдан»
- Энг яхши кийимлар дизайни — «Қора Пантера: Ваканда тоабад»
- Энг яхши бадиий таъминот — Кристиан Голдбек, Эрнестина Ҳиппер, «Ғарбий фронтда ўзгариш йўқ»
- Энг яхши визуал эффектлар — «Аватар: Сув йўли»
- Энг яхши овоз — «Топ Ган: Маверик»
- Энг яхши грим ва турмак — «Кит»
- Энг яхши ҳужжатли фильм — «Навалний»
- Энг яхши қисқа метражли фильм — «Филлар афсунгарлари»
- Энг яхши қисқа метражли анимацион фильм — «Болакай, Кўрсичқон, Тулки ва Тулпор»
- Энг яхши қисқа метражли ўйин фильми — «Ирландча видолашув».
