Ўзгидромет 4−10 март кунлари республиканинг 6 та вилоятида қор кўчиш хавфини эълон қилди.
Ёғингарчилик ҳамда ҳаво ҳароратининг сезиларли ўзгаришлари сабаб содир бўладиган ҳодиса қуйидаги ҳудуларда кузатилади:
- Қашқадарё вилояти: Китоб, Шаҳрисабз туманларида;
- Самарқанд вилояти: Самарқанд, Ургут туманларида;
- Жиззах вилояти: Зомин, Бахмал туманларида;
- Тошкент вилояти: Паркент, Оҳангарон, Бўстонлиқ туманларида ва Чотқол тизмасининг «Чимён» тоғларида;
- Наманган вилояти: Поп туманида;
- Фарғона вилояти: Сўх, Фарғона туманида.
Тоғли худудларда истиқомат қилувчи фуқаролар, дам олувчилар ҳамда тоғли худудларда ҳаракатланувчи ҳайдовчилардан эҳтиёткорлик чораларини кўришлари сўралди.
Эслатиб ўтамиз, аввалроқ Ўзгидромет 5−10 март кунлари 9 та вилоятда ҳамда тоғолди ва тоғли ҳудудларда сел-сув тошқин ҳодисалари юзага келиши эҳтимоли ва шамол тезлиги кучайиши ҳақида огоҳлантирганди.