Ўзбекистон президентининг тегишли фармойиши билан Марказий ва Шарқий ҳарбий округ қўшинларига янги қўмондонлар тайинланди. Бу ҳақда Мудофаа вазирлиги матбуот хизмати хабар қилди.
Генерал-майор Айбек Саидов Шарқий ҳарбий округ қўшинлари қўмондони этиб тайинланди. У 2017 йил октабрдан бери ушбу лавозимида фаолият юритиб келаётган эди.
Фото: Мудофаа вазирлиги
Полковник Фаррух Зиябаев Марказий ҳарбий округ қўшинлари қўмондони этиб тайинланди. У тайинловга қадар Ўзбекистон Қуролли кучлари бош штаби бошлиғининг ўринбосари лавозимида фаолият олиб борган.
Фото: Мудофаа вазирлиги
Шунингдек, полковник Лутфулло Бузруков Қуролли Кучлар бош штаби бошлиғининг ўринбосари лавозимига тайинланди. У 2018 йил январдан бери Шарқий ҳарбий округ қўшинлари қўмондони лавозимида ишлаб келаётганди.
Фото: Мудофаа вазирлиги
