Умумхалқ муҳокамаси учун эълон қилинган 2023 йилги давлат дастурида 1 мартдан бошлаб Ўзбекистонда ишлашни истаган чет эл фуқароларини бўш иш ўринларига ишга олишни соддалаштириш таклифи берилди.
Бунда тасдиқнома олиш учун маҳаллий ишчи кучи ҳам талаб этилишини ҳисобга олиб, чет эл фуқароларини бўш иш ўринларига жалб қилиш мақсадга мувофиқлигини ўрганиш тартиби бекор қилиниши мумкин.
Қолаверса, чет эл фуқароси хориждан олиб келинган шахсий машинасини олиб чиқиб кетиш муддатини узрли сабабларга кўра ўтказиб юборган бўлса, қонунчилик ҳужжатларида белгиланган йиғимни тўлашдан озод этилиши мумкин. Бу тасдиқнома муддати тугагунгача амал қилиши режалаштириляпти.
Шунингдек, Камбағалликни қисқартириш ва бандлик вазирлиги республикада ишлаётган чет эл фуқаролари ҳақида маълумотларни мунтазам Иқтисодиёт ва молия вазирлигига электрон шаклда юбориб туради. Натижада меҳнат бозорига малакали мутахассислар талаб юқори бўлган соҳаларга кириб келиши учун зарур шароитларни яратади, дейилади лойиҳа дастурида.
Давлат дастури 17 февралга қадар жамоатчилик муҳокамасида бўлади.
