Россиянинг «Аэрофлот» авиакомпанияси Санкт-Петербург — Тошкент ва Санкт-Петербург — Самарқанд йўналишлари бўйича мунтазам парвозларни амалга оширади, дея хабар бермоқда Uzbekistan airports матбуот хизмати.
Санкт-Петербургдан Тошкентга биринчи йўловчи рейси 17 декабрга белгиланди. Парвозлар Boeing 738 самолётларида ҳафтасига уч марта — чоршанба, жума ва якшанба кунлари амалга оширилади.
Санкт-Петербургдан Самарқандга рейслар ҳам ҳафтасига уч марта — сешанба, пайшанба ва шанба кунлари Boeing 738 самолётларида йўлга қўйилади. Биринчи парвоз 16 декабрь куни амалга оширилиши режалаштирилганди. Аммо рейс 20 декабрга кўчирилди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Маълумот ўрнида, «Аэрофлот» штаб-квартираси Москвада жойлашган Россиянинг давлат-хусусий авиакомпаниясидир. Компания гуруҳига, шунингдек, «Россия» авиакомпанияси ва «Победа» лоукостер авиакомпаниялари киради.
