30 октябрь куни Ҳиндистоннинг Гужарат штатидаги Морби шаҳрида бир асрлик осма кўприкнинг қулаши оқибатида 132 киши ҳалок бўлган эди.
Ҳиндистон полицияси ҳолатга алоқадор дея гумонланаётган 9 кишини, жумладан чипта сотувчи ва етказиб берувчиларни ҳам ҳибсга олди, деб хабар берди «Газета.ru» нашри.
Видеокузатувларга тушиб қолган лавҳадан маълум бўлишича, бир гуруҳ ёшлар кўприк устида уни икки томонга силкитаётган пайтда қулаб тушган. Катта тезлик оқибатида фуқаролар Мачху дарёсига ғарқ бўлган.
Жабрланувчилардан бири Ашвин Мехранинг айтишича, ўзи билан яна 6 киши қирғоққача кўприкнинг темир панжаралари ва тўрлардан ушлаб етиб борган.
«20−25 ёшгача бўлган 20 га яқин ўғил бола кўприкни силкитди. Уч марта қандайдир товушларни эшитдик. Олтинчи мартада осма занжир узилди», — дея воқеани шарҳлади у.
Полиция мулозимининг айтишича, оломонни назорат қила олмагани учун тўққиз киши, жумладан бошқарув ходимлари, чипталар сотувчилар ва уч қўриқчи ҳибсга олинган.
Ашок Кумар Ядавнинг сўзларига кўра, ҳибсга олинганлар орасида объектни таъмирлаш бўйича шартнома олган икки киши ҳам бор. Ҳибсга олинганлар сони ортиши мумкинлитги ҳам кўшимча қилинди.
