Ўзбекистонлик мигрант Ойбек Эштемиров Москвада икки кишини ёнғиндан қутқариб қолди. Бу ҳақда Ташқи меҳнат миграцияси агентлиги хабар берди.
Москва шаҳрида светофор монтажчиси вазифасида ишлаб келаётган Эштемиров кўпқаватли уйларнинг бирида юз берган ёнғиндан икки нафар аёлни қутқариб олган.
«Бу нарсадан қўқрмадим, ўйлашга вақт ҳам йўқ эди. Одамларга ёрдам беришга доим тайёрман, ҳаммамиз инсонмиз, биз ўзбекларда шундай. Ота-онамиз шундай тарбия берган», — дейди у «ТВ Центр» телеканалига берган интервьюсида.
Аниқлик киритилишича, йигит ёнғин юз берган хонадондаги аёлни қутқариш учун қўшни хонадон балконидаги панжарага суянган ҳолда дераза ойнасини синдириб, аёлни олиб ўтган ва ўт ўчирувчилар келишини кутган.
24 ёшли Ойбек ушбу қаҳрамонлиги учун Москва шаҳри ҳукумати ва ФВВ томонидан мукофотланди.
