Юридик шахслар ҳайдовчиларининг икки йилда бир марта мажбурий малакасини ошириш талаби бекор қилинмоқда. Бу президентнинг 7 июлдаги тегишли қарорида келтирилган.
Таъкидланишича, бу қарор аҳоли томонидан келиб тушаётган таклифлар асосида қабул қилинган.
Бундан ташқари, фуқаро томонидан ўзининг автомобилини йўловчи ташиш лицензиясига эга бўлган юридик шахсларга ижарага берилганда нотариал идоралар томонидан тасдиқлаш талаби ҳам бекор қилинмоқда. Ижара шартномаси солиқ органларида электрон ҳисобга қўйилади.
