Ижтимоий тармоқларда Хоразмда чиқинди ташлаш жойидан ўлик ҳолатдаги янги туғилган чақалоқ топилди. Ҳоразм вилояти прокуратураси мазкур ҳолат юзасидан ўрганиш натижаларини эълон қилди.

Таъкидланишича, чақалоқ 1 январь куни Урганч шаҳар, Амир Темур ва Гурлан кўчалари ўртасида жойлашган чиқинди ташлаш жойидан топилган. У ўлик ҳолатда, етилмаган, қиз жинсига мансуб чақалоқ мурдаси эканлиги маълум бўлган.

Республика суд-тиббий экспертизаси илмий-амалий маркази Хоразм филиалининг 2-сонли хулосасига кўра, «шахси номаълум чақалоқнинг ўлимига етилмаганлик ва ҳаётга лаёқатсизлик сабаб бўлган».

Шунингдек, эксперт чақалоқ она қорнида 5,5 — 6 ой яшаган бўлиши мумкинлигини, мурдада тан жароҳатлари аниқланмаганини қўшимча қилган.

Ундан олинган қон ва ҳомила йўлдошида ҳомиладорликни жарроҳлик аралашувисиз эрта тугатишда қўлланиладиган синтетик препарат «мифепристон» дори воситаси қолдиқлари топилган.

Текширув давомида чақалоқнинг онаси аниқланмаган. Ҳозирда текрговга қадар текширув вилоят прокуратураси томонидан назоратга олинган ҳолда давом этмоқда.