Бокс бўйича Ўзбекистон терма жамоаси вакили Шоҳжаҳон Абдуллаев Белградда бўлиб ўтаётган жаҳон чемпионатида биринчи жангда нокаутга учраб, мағлуб бўлди. 86 кггача вазн тоифасида 1/16 финал босқичида унга белгиялик 25 ёшли боксчи Виктор Шелстраете рақиблик қилди.
Биринчи раундда 19 ёшли ўзбекистонлик рақибидан зарба ўтказиб юборди ва нокдаунга тушди, лекин баҳсни давом эттира олди. Иккинчи раунднинг сўнгида эса, гонг урилишига 1 сония қолганда Абдуллаев ҳимоясини заифлаштирди ва рақибининг ўнг қўл зарбасини ўтказиб юборди. Ўзбекистонлик боксчи рингга қулаб тушди ва бирданига оёққа тура олмади.
Белгиялик спортчи 1/8 финалда хорватиялик Дамир Плантич билан баҳслашади.
Шундай қилиб, Шоҳжаҳон Абдуллаев жаҳон чемпионатидаги иштирокини биринчи жангдан кейиноқ якунлади. У 2019 йилда ёшлар ўртасидаги Осиё чемпионатида ғолиб бўлган эди, шунингдек 2021 йилги ёшлар ўртасидаги Жаҳон чемпионатида бронза медали соҳиби бўлган.
Видео
Фото
