Россияда коронавирус инфекциясига чалиниш ҳолатлари сони кунига 37 минг 930 тага ошди, бу пандемия бошланганидан бери янги максимал кўрсаткич, деб хабар берди ТАСС.

Янги коронавирус инфекциясига қарши кураш бўйича федерал тезкор штаб маълумотларига кўра, мамлакатда касалланганларнинг умумий сони 8 млн 279 минг 573 нафарга етди. Соғайганлар сони кунига 20 690 тага ошди, жами 7 186 661 киши касалликдан тузалди.

Қайд этилишича, соғайганларнинг нисбати инфекция юқтирганлар умумий сонининг 86,8 фоизигача пасайган.

Бир кунда коронавирусдан вафот этганлар сони 1,069 тага кўпайди ва умумий ўлим ҳолатлари 231,669 тага етди. Шундай қилиб, мамлакатда кетма-кет етти кун давомида касалликдан 1000 дан ортиқ ўлим қайд этилди.