Ўзбекистон Ички ишлар вазирлиги деярли барча маҳаллий бўлинмаларни электрошок қурилмалари билан таъминлади, деб хабар берди ИИВ матбуот хизмати.

Электрошокерлар, электродубинкалар ва электротўппончалар ички ишлар органи ходимларига йўл-патруль хизматини ва жамоат тартибини таъминлаш учун берилади.

Ҳуқуқни муҳофаза қилиш органи ходимининг махсус воситалардан, шу жумладан электрошокердан фойдаланиш тартиби Ўзбекистоннинг «Ички ишлар органлари тўғрисида"ги қонуни, шунингдек, Ички ишлар вазирлигининг тегишли йўриқномаси билан белгиланади.

«Хусусан, Ички ишлар вазирлиги томонидан тасдиқланган ва Соғлиқни сақлаш вазирлиги билан келишилган махсус тайёргарликдан ўтганлигини тасдиқловчи сертификатни олган ходимларга электрошокердан фойдаланишга рухсат берилади», — дея қўшимча қилди матбуот хизмати.

Ички ишлар органлари ходими электрошокердан ўзига ёки фуқарога қилинган ҳужумни қайтаришда, жиноятни ёки ҳуқуқбузарликни тўхтатишда, жиноятга қўл урган одамни ҳибсга олишга ва яширинишга уринишда, қўлга олинган фуқаролар ва биноларни озод қилишда ҳамда оммавий тартибсизликларни олдини олишда фойдаланиши мумкин.

Ўзбекистонда фойдаланиладиган электрошокерлар Россияда «Март групп» заводи томонидан ишлаб чиқарилади.

Фото