Жума, 24 сентябрь куни Ўзбекистонга яна 2 млн 499 минг 668 доза хитой-ўзбек ZF-UZ-VAC2001 вакцинаси олиб келинди, дея хабар бермоқда ССВ матбуот хизмати.
Шундай қилиб, Ўзбекистоннинг вакцина захираси 26 млн 754 минг 208 дозага етмоқда. Улардан 20 мл 499 минг 668 дозаси — ZF-UZ-VAC2001 вакцинаси, 1 млн 594 минг 480 дозаси — AstraZeneca (Covieshield, COVAX дастури асосида бепул етказиб берилган), 460 мингтаси — Россиянинг «Спутник V», 3 млн 60 дозаси Moderna ва 1 млн 200 минг дозаси Pfizer/BioNTech вакцинаси ҳисобланади.
Айни пайтга қадар шундан 19 млн 197 минг 082 доза доза вакцинация жараёнларида фойдаланилган.
Шунингдек, шу кунгача тўлиқ эмланган фуқаролар 4 млн 007 минг 732 нафарни ташкил қилмоқда.
Маълумот учун бундан аввал ZF-UZ-VAC2001'нинг: 27 мартда — 1 млн доза, 27 апрелда — 1 млн доза, 18 майда — 1 млн доза, 19 майда — 500 минг доза, 10 июнда — 1 млн доза, 29 июнда — 1 млн доза, 30 июнда — 1 млн доза, 20 июлда — 1 млн доза, 21 июлда — 1 млн доза, 5 августда — 1 млн доза, 6 августда — 1 млн доза, 22 августда — 3 млн доза, 5 сентябрда — 1,5 млн доза ва 6 сентябрда — 3 млн доза партиялари келтирилган.
