Business Insider нашрининг ёзишича, Tesla, Netflix, Berkshire Hathaway, Visa, Alibaba Group каби дунёнинг энг йирик, нуфузли ва даромадли 16 та компанияларининг бозор қиймати кейинги беш йилликда 1 трлн долларга етиши кутилмоқда.
Approve.com булутли харидлар ечимлари провайдери ўртача йиллик ўсиш даражаси асосида 50 та энг йирик компанияларнинг бозор қийматини қиёсий ўрганиб чиқди. Тадқиқот натижаларига кўра, Tesla, Netflix, Berkshire Hathaway каби жами 16 та компаниянинг бозор қиймати кейинги беш йил ичида 1 трлн долларга етиши кутилмоқда.
Июнь охирида «1 трлн долларлик компаниялар клуби»га АҚШ вакиллари орасида бешинчи бўлиб Facebook қўшилди. Шунингдек, Apple, Microsoft, Amazon, Alphabet ҳам жой олди.
Йирик нефт ишлаб чиқарувчиси Saudi Aramco 1 трлн долларлик компаниялар орасида АҚШга тегишли бўлмаган ягона компания ҳисобланади.
2026 йилгача қиймати 1 трлн долларга етилиши башорат қилинган компаниялар рўйхати
| Компания номи | Қиймати, млрд доллар | Фаолият тармоғи | 1 трлн га етиш тахминий муддати | Ўртача йиллик ўсиш, % да |
| Tesla | 754 | Автомобилсозлик | 2022 | 123,87 |
| Tencent | 569 | Технология | 2022 | 97,04 |
| Comcast | 263 | Телекоммуникация | 2023 | 186,93 |
| Meituan | 179 | Электрон тижорат | 2023 | 115,74 |
| Nvidia | 555 | Технология | 2024 | 48,27 |
| Kweichow Moutai | 317 | Алкоголь | 2024 | 48,6 |
| Netflix | 257 | Кўнгилочар | 2024 | 74,16 |
| Alibaba Group | 433 | Технология | 2025 | 19,16 |
| Тайван яримўтказгич ишлаб чиқариш компанияси | 620 | Яримўтказгичлар ишлаб чиқариш | 2025 | 16,05 |
| Visa | 492 | Молиявий хизматлар | 2025 | 22,32 |
| Mastercard | 342 | Молиявий хизматлар | 2025 | 32,15 |
| Paypal | 332 | Молиявий хизматлар | 2025 | 43,71 |
| Berkshire Hathaway | 635 | Инвестиция | 2026 | 10,49 |
| Samsung | 444 | Технология | 2026 | 19,24 |
| LVMH | 372 | Қимматбаҳо товарлар | 2026 | 22,78 |
| Salesforce | 250 | Дастурий таъминот | 2026 | 40,67 |
Рўйхатда санаб ўтилганидек, 1 трлнлик зонада технология соҳасида фаолият юритувчи копаниялар етакчилик қилмоқда. Улардан кейинги ўринни молиявий хизматлар кўрсатиш билан шуғулланувчи компаниялар банд этган.
Маълумот учун, 1 трлн доллар — бу Марказий Осиё давлатлари ЯИМ йиғиндисидан (2020 йилда жами 288,6 млрд доллар) уч баробардан зиёдга кўп дегани.
