Time журнали 2021 йилнинг энг нуфузли 100 кишиси рўйхатини эълон қилди. Унга кирганлар бир неча категорияларга бўлинган — «Кумирлар», «Пионерлар», «Титанлар», «Инноваторлар», «Етакчилар», «Санъаткорлар».
«Кумирлар»
«Кумирлар» номинациясида Time Британия шаҳзодаси Гарри ва унинг рафиқаси актриса Меган Марклни хайрия ишлари учун эътироф этди. Ушбу категорияга, шунингдек япониялик теннисчи Наоми Осака, россиялик мухолифатчи Алексей Навальний, америкалик хонанда Бритни Спирс, америкалик ҳуқуқшунос Шерлин Иффил ҳам кирган.
«Пионерлар»
Ушбу категорияда америкалик хонанда Билли Айлиш етакчилик қилди. Шунингдек, ушбу номинацияда Бен Крамп (америкалик ҳуқуқшунос, ўтган йили Миннеаполисда полиция қийноқлари сабабли вафот этган Жорж Флойднинг оиласининг адвокати), АҚШ гимнастикачиси Суниса Ли, Европа Комиссияси раисининг ўринбосари Франс Тиммерманс ҳам бор.
«Титанлар»
Фото: Times
Ушбу категорияда 19 карра жаҳон чемпиони ва тўрт карра Олимпия чемпиони америкалик гимнастикачи Симона Байлз, Apple корпорацияси бош директори Тим Кук, «Минари» (2020) фильми билан машҳур Жанубий Корея актрисаси Юн Ё Джон, Америка футболи юлдузи Том Брэди ва бошқалар бор.
«Санъаткорлар»
Фото: Times
Журналнинг санъат соҳасидаги энг нуфузли кишилари рўйхатига америкалик актриса Кейт Уинслет, энг яхши фильм учун Оскар мукофотини олган режиссёр Хлоя Чжао, рэпер Lil Nas X, ёзувчи Нора К. Жемисин, актриса Скарлетт Йоханссон, актёр Омар Си ва бошқалар кирган.
«Етакчилар»
Фото: Time
Лидерлар гуруҳида Жаҳон cавдо ташкилоти раҳбари Нгози Оконжо-Ивеала, шунингдек АҚШ президенти Жо Байден ва вице-президент Камала Харрис, АҚШнинг собиқ президенти Дональд Трамп, Хитой президенти Си Цзиньпин, Афғонистон муваққат ҳукумати бош вазирининг ўринбосари, «Толибон» сиёсий қаноти етакчиси Абдул Ғани Бародар, Ҳиндистон бош вазири Нарендра Моди, Исроил бош вазири Нафтали Беннетт ва бошқалар ўрин олган.
«Инноваторлар»
Фото: Times
«Инноваторлар» тоифасидаги энг нуфузли одамлардан бири — Американинг Nvidia компанияси бош директори Женсен Хуанг бўлди. Tesla ва SpaceX асосчиси Илон Маск, венгер биокимёгари Каталин Карико, Африка касалликларни назорат қилиш ва олдини олиш марказлари директори Жон Нкенгасонг ва Ethereum криптовалютасини яратувчиси Виталик Бутерин ҳам шу тоифага кирган.
