Ўзбекистонга Chevrolet Onix автомобилининг синов намуналари олиб келинди, дея тасдиқлади UzAuto Motors компанияси матбуот хизмати «Газета.uz»га. Моделлар Бразилиядан келтирилган бўлиб, уларга Onix Plus номи берилган.
«Ўзбекистон йўлларида ташилаётган вақтда қайд этилган Chevrolet Onix автомобиллари батафсил ўрганиш учун бир нечта нусхада сотиб олинган синов намуналари ҳисобланади. Мазкур нусхалар маҳаллий иқлим шароитида синовлар ўтказиш ва салоҳиятли харидорлар фикрини ўрганиш учун сотиб олинган», — дея таъкидланди компаниядан.
2019 йил декабрда UzAuto Motors 2020 йилда янги Chevrolet Tracker асосини ҳам ташкил этувчи Global Emerging Markets (GEM) ягона платформасида Сhevrolet Onix ва бошқа янги моделларни ишлаб чиқаришни йўлга қўйишга тайёргарлик кўрилаётганини маълум қилган эди.
Фото: Водители Ташкента.
Бразилияда Chevrolet Onix Plus нархи 13,6 минг доллардан бошланади.
