Грузия бош вазири истеъфога чиқди
Грузия бош вазири Георгий Гахария 18 февраль куни мухолифатдаги Бирлашган Миллий Ҳаракат партияси етакчиси Никанор Мелияни ҳибсга олиш тўғрисидаги суд қарорининг бажарилмаслиги муносабати билан ўз лавозимини тарк этишини маълум қилди. «Кеча суд жаноб Мелияга қамоқ жазосини профилактика чораси сифатида тайинлади. Бу инсон ҳеч қачон Грузия қонунчилигини ҳурмат қилмаган ва 20 июнда (2019) фуқароларимизни парламентга бостириб киришга чақирган ва парламентни қўлга киритиш йўлидаги ташаббускорлардан бири бўлган. Aммо ҳар қандай нарсага қарамай, менинг қатъий позициям шуки, агар қонуний бўлса ҳам, фуқароларимизнинг соғлиғи ва ҳаётига хавф туғдирса ёки сиёсий эскалацияни келтириб чиқарадиган бўлса ҳам, битта одамга нисбатан ҳукм чиқариш мумкин эмас», — деди Гахария брифингда. «Aфсуски, мен бу масалада жамоам билан келиша олмаганимдан келиб чиқиб, ўз лавозимимдан кетишга қарор қилдим», — деди у. Гахария истеъфога чиқиш «мамлакат сиёсий маконидаги қутбланиш даражасини пасайтиришга ёрдам беради», деб ишонишини таъкидлади. Унинг сўзларига кўра, қутбланиш ва қарама-қаршилик «мамлакат келажаги, унинг ривожланиши ва ҳар қандай инқирозга қарши курашиш қобилияти учун энг катта хавф». — ТАСС.
18 февраль куни эрта тонгда полиция зобитлари Мелия жойлашган Тбилисидаги Грузия Бирлашган Миллий Ҳаракати (БМҲ) партиясининг офисига кира олишмади. Мамлакат ОАВларининг хабарларига кўра, БМҲ офисида 200 га яқин киши бор, улар орасида бошқа мухолифат партиялари раҳбарлари ҳам бор. Мелия тарафдорлари уни ҳибсга олиш бўйича полиция операциясига тўсқинлик қилмоқчи.
Жанубий Кореяда КХДР томонидан кунига 1,6 млнга яқин хакерлик ҳужумлари қайд этилмоқда
Жанубий Кореянинг хавфсизлик агентликлари КХДР хакерлари томонидан кунига ўртача 1,58 млн киберҳужумларни қайд этишмоқда. Нашрнинг Сеулдаги манбаларига кўра, ҳужумларнинг асосий мақсади — Жанубий Кореядаги кичик ва ўрта компанияларнинг компьютерларига вирус киритиб, уларни блокировка қилиш. Баъзи ҳолларда, кибержиноятчилар махфий маълумотларни, хусусан, мижозларнинг шахсий маълумотларини, бўлажак битимлар тўғрисида маълумотни ошкор қилиш билан таҳдид қилишади. Компьютер қулфини очиш ва маълумотларни сир тутиш учун хакерлар тахминан 40,7 минг дан 470 минг долларгача пул талаб қилишади. 2020 йилда Жанубий Кореяда хакерларнинг ушбу ҳаракатларидан етказилган зарар деярли 1,8 млрд долларни ташкил этди, дея ёзмоқда Nikkei. Таъкидланишича, бу миқдор сўнгги беш йил ичида 18 баравар ошган. Хакерлар одатда биткоинда тўловни талаб қилишади, кейинчалик уларни Хитой биржасида қаттиқ валютага алмаштиришади. — Nikkei.
18 февраль куни AҚШ Aдлия вазирлиги учта шимолий кореялик хакерини 1,3 млрд доллардан ортиқ пулни, шу жумладан криптовалюта ўғирлашга олиб келган катта киберҳужумда айбдор деб топди.
Минглаб миллий гвардия жангчилари тартибсизликларнинг олдини олиш учун Вашингтонда қолишади
AҚШнинг минглаб миллий гвардия жангчилари янги тартибсизликларнинг, шунингдек, 4 март куни Дональд Трамп тарафдорлари томонидан Капитолийга бостириб киришга уринишнинг олдини олиш мақсадида, март ойининг ўрталарига қадар Вашингтонда қолишади. «Бу одамларнинг баъзилари (Трамп тарафдорлари — таҳр.) 75 йил олдин 4 март куни президент инаугурацияси куни бўлганини билиб олишган, шекилли. Яхши, аммо бу нима учун ҳозир муҳим, Худо билади. Қандай бўлмасин, энди улар яна бирлашиб, 4 март куни Капитолийга ҳужум қилишлари керак деб ўйлаётгандир… Бу маълумот интернетда тарқалмоқда», — деди Вакиллар Палатаси Қуролли кучлар қўмитаси раиси Aдам Смит. AҚШ тарихида 1793 йилдан 1933 йилгача 4 март президент инаугурацияси куни бўлган. Смитнинг таъкидлашича, 4 март куни, аниқ, тартибсизликлар бўлмайди, аммо бу санадан хавотирлар мавжуд. CNN маълумотларига кўра, мудофаа вазирининг миллий мудофаа ва глобал хавфсизлик бўйича ёрдамчиси Роберт Салесс 18 февраль куни Капитолий полицияси 4,9 минг нафар миллий гвардия аскарларини Вашингтонда 12 мартга қадар қолишини илтимос қилганини айтди. — CNN.
Испанияда рэпернинг ҳибсга олинишига қарши намойишлар тартибсизликларга айланди
Испанияда 18 февраль куни кечқурун рэп мусиқачиси Пабло Хаселнинг ҳибсга олинишига қарши норозилик намойишлари мамлакатнинг йирик шаҳарларида тартибсизликларга айланди. Хасель иши Испанияда сўз эркинлиги ҳақидаги мунозарани жонлантирди. 32 ёшли рэпер ўзининг твитлари ва матнларида тез-тез Испания монархиясини танқид қилади. У ўз композицияларидан бирида қирол ва ҳукмрон доираларни «жиноий тўда» деб атаган. 2018 йилда Хасель терроризмни қўллаб-қувватлашда ва қирол ҳақидаги беҳаё қўшиқда айбдор деб топилди. Рэпер ҳибсга олингандан сўнг, мамлакатнинг кўплаб шаҳарларида норозиликлар тарқалди. Мадрид ва Барселонада Хаселнинг минглаб ҳамдардлари кўчаларга чиқишди. Хавфсизлик кучлари таёқ ва қалқон билан қуролланиб, уларга қарши курашдилар. Ўнлаб одамлар ҳибсга олинган, шу жумладан камида 14 киши Мадридда ва 29 киши Барселонада. Барселонада намойишчилар баррикадалар ўрнатиб, кўчаларда мебелларга ўт қўйишди. Лерида, Жирона ва Таррагона шаҳарларида зўравон норозилик намойишлари бўлиб ўтди, деди полиция. — ВВС.
Олимпиада вазири Токиода Олимпия ташкилий қўмитасининг янги раҳбари этиб тайинланади
Олимпиада вазири Сейко Хасимото (56 ёш) Токио ўйинлари ташкилий қўмитасининг янги раҳбари этиб тайинланди. Хасимото 1984 йилдан 1996 йилгача етти Олимпиадада қатнашган: тўртта Қишки ўйинларда конькида тез югуриш ва учта Ёзги ўйинларда велоспорт бўйича қатнашган. 1992 йилда Альбервилда (Франция) аёллар ўртасида 1,5 метрга югуришда бронза медалига сазовор бўлди. Ташкилий қўмитанинг собиқ раҳбари ўтган ҳафта истеъфога чиқишини эълон қилган эди. — NHK.
