Антикоррупция агентлиги «Coca-Cola Ichimligi Uzbekiston, Ltd» МЧЖни хусусийлаштириш бўйича тендер шартлари ўта юқорилигини таъкидлаган ва тендерни тўхтатишни сўраб, тақдимнома киритган эди. Давактив ушбу тақдимнома бўйича муносабат билдирди.
Давактив агентлиги тақдимнома 2020 йил 16 декабрдаги эълондаги маълумотларга асосланганини, Антикоррупцион агентлик жараён қандай ташкил этилганлиги тўғрисида ишчи гуруҳга мурожаат қилмаганлигини маълум қилди.
Давактив Антикоррупцион агентлик ва жамоатчилик билан хусусийлаштиришни шаффоф ва ошкора тарзда, халқаро амалиёт қоидаларига мувофиқ ҳолда сотиш жараёни юзасидан ҳамкорлик қилишга тайёрлигини билдирган.
Шунингдек, яқин орада жараённинг бевосита иштирокчилари «The Coca-cola Export Corporation» (АҚШ, Атланта), «Rothschild & Co» инвестиция банки ва «Dentons» юридик фирмасининг тақдимнома бўйича фикрлари эълон қилинади.
