Декабрь ойидан буён эфирдан олинган «Заковат» теледастури давом этиши ҳақида Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов хабар берди.
«„Заковат“ ёпилмайди. Аксинча — гуллайди. Биз Саида Мирзиёева билан ушбу лойиҳани ўз оталиғимизга олдик. Бу йил иншааллоҳ ушбу медиа лойиҳа орқали республикамиздаги янгидан янги билимдон ёшларни кашф қиламиз», — деб ёзди у.
Бундан аввал, «Заковат» нинг эфирга узатилиши тўхтагани ҳақида блогер Хушнудбек Худойбердиев маълум қилган эди.
«„Заковат“ кўрсатуви декабрь ойида эфирдан олинди. 20 йиллик фаолияти давомида биринчи марта янги йил арафасида „Заковат“ эфирга кетмади, Олий лига ўйинлари охирига етмай тўхтатилди, ким финалга чиққанию, ким чемпион бўлгани ҳам аниқланмай қолди. Ҳаттоки суратга олинган 2 та кўрсатув эфирга ҳам кетмади. Бунақаси шу пайтгача бирор марта бўлмаганди», — деб ёзган блогер.
