Криштиану Роналду «Удинезе» жамоаси билан бўлиб ўтган учрашувда ўзининг 757 ва 758-голларини киритди. У бу билан расмий учрашувларда киритилган голлар сони бўйича Пелени (812 та расмий учрашувда 757 та гол) ортда қолдирди.

Ушбу кўрсаткич бўйича асосий рекордчи чехиялик футболчи Йозеф Бицан ҳисобланади, унинг ҳисобида 759 та гол мавжуд. 35 ёшли Роналду мутлақ рекордчи бўлишга яқин турибди. Ҳозиргача у «Спортинг», «Манчестер Юнайтед», «Реал Мадрид» ва «Ювентус» клублари сафида жами 1032 та учрашув ўтказган.

Эслатиб ўтамиз, декабрь ойида «Барселона» клуби ҳужумчиси Лионель Месси каталонияликлар сафида 644-голини урди ва бир клуб сафида урилган голлар сони бўйича Пеленинг рекордни янгилаган эди.