Лукашенко ваколатларнинг бир қисмини парламент ва ҳукуматга ўтказишга қарор қилди
Фото: BELTA.BY.
Беларусь президенти Aлександр Лукашенко ваколатларининг бир қисмини парламент ва ҳукуматга ўтказишга қарор қилди. «Халқ ва жамият ўзгаришларни хоҳлайди. Биз яқинда парламент раҳбарияти билан келишиб олдик: президент ваколатларининг 70−80 фоизини парламент, ҳукумат, бошқа тузилмаларга ўтказиш учун Конституция бузилмаслиги керак», — деди президент. Лукашенко, шунингдек, Бутун Беларус халқ ассамблеясигача ваколатларини адолатли равишда тақсимлашга ваъда берди. Унинг таъкидлашича, у масъулиятни ўз зиммасига олиб, жамиятдаги кескин масалалар бўйича аллақачон бир қатор қарорлар қабул қилган. — БелТА
Буюк Британияда бензинда юрадиган автомобилларни сотиш тақиқланади
Буюк Британия бензинда юрадиган транспорт воситаларини сотишни тақиқлайди. 2020 йил бошида ҳукумат бундай қарорни 2035 йилдан, икки йил олдин — 2040 йилдан бошлаб киритмоқчи эди. Яқин вақт ичида бош вазир Борис Жонсон бу ҳақда расман эълон қилади. Бирлашган Қироллик ҳукумати бундай тақиқ электр транспорт воситалари бозорини жонлантиришини ва мамлакатнинг иқлим мақсадларини бажаришда ёрдам беришини таъкидлади. Шу жумладан, 2050 йилгача иссиқхона газлари чиқиндиларини нолга камайиши кўзда тутилган. — The Guardian
Миср парламенти сайловларида ҳукмрон партия ғалаба қозонди
Фото: РИА Новости. Александр Елистратов.
Сайловларнинг натижаларига кўра Мисрнинг янги парламентида ўринларнинг кўпини ҳукмрон «Халқ келажаги» партияси эгаллайди. Ушбу сайловларда жуда кам фуқаро иштирок этди. Aгар биринчи турда 28,2% иштирок этган бўлса, иккинчи турда бу кўрсаткич бироз кўтарилиб, 29,5% ни ташкил этди. 2021 йил январда фаолиятини бошлайдиган парламент мамлакат тарихидаги энг катта парламент бўлади — икки палатали парламент 900 кишидан иборат бўлади. — ТАСС
Global Finance яшаш учун қулай бўлган дунёдаги энг яхши 10 та шаҳарни эълон қилди
Global Finance нашри яшаш учун қулай бўлган дунёдаги энг яхши 10 та шаҳарни эълон қилди. Унга кўра, Токио шаҳри энг қулай шаҳар деб топилди. Кейинги ўринларда, Лондон, Сингапур, Нью-Йорк ва Мельбурн каби шаҳарлар турибди. — Газета.uz
Перунинг янги президенти истеъфога чиқди
Перунинг янги президенти Мануэль Мерино мамлакатда бир неча кун давом этган норозилик намойишлари ортидан истеъфога чиқди. Бу ҳақда сиёсатчининг ўзи маълум қилди."Шуни маълум қилмоқчиманки, мен республика президенти лавозимидан кетяпман", — дея хабар берган у. — Газета.uz
