TikTok бош директори Кевин Майер компанияда тўрт ойлик фаолиятидан сўнг компанияни тарк этди, дея хабар берди Financial Times, Майернинг компания ходимларига ёзган мактубига асосланиб.
Бунга асосий сабаб этиб АҚШ расмийлари билан юзага келган зиддият ва сотиш бўйича олиб борилаётган музокаралар кўрсатилмоқда. Бош директор лавозимини вақтинча шу пайтгача бош менеджер лавозимида ишлаб келаётган Ванесса Паппас эгаллайди.
Майер TikTok га май ойида келган. Унгача у Disney да видео оқим бўлимига раҳбарлик қилаётган эди. У Disney да 25 йил ишлаган. Ундан ташқари Майер Disney+, ESPN+ ва Hulu компанияларида фаолият олиб борган.
«Биз сўнгги бир неча ой давомидаги сиёсий динамика Кевиннинг роли кўламини сезиларли даражада ўзгартирганини тушунамиз ва биз унинг қарорини тўлиқ ҳурмат қиламиз», — деди TikTok вакили The Verge нашрига.
