Telegram асосчиси Павел Дуров мессенжерда гуруҳли видеоқўнғироқлар пайдо бўлиши ҳақида айтиб ўтган эди. Орадан кўп вақт ўтмасдан мессенжернинг iOS учун синов (бета-версия) версиясида видеоқўнғироқлар пайдо бўлди.
Видеоқўнғироқлар Telegram мессенжерининг iOS 6.3 бета-версиясида бор. Видеоқўнғироқ амалга ошириш учун суҳбатдошда ҳам ушбу бета-версия ўрнатилиб, экспериментал функциялар ёқилган бўлиши керак.
Ҳозирда синаб кўрувчилар гуруҳи тўлганлиги сабабли бета-версияни юклаб олишнинг имкони йўқ. Бета-тест Apple компаниясига тегишли бўлган TestFlight платформасида ўтказилмоқда.
«Газета.uz» муҳаррирлари ушбу бета-версияни ўрнатиб, видеоқўнғироқларни синовдан ўтказишди. Синов давомида видео ва овоз сифати яхши бўлди.
Видеоқўнғироқлар функциясини ёқиш ва унинг намойиши. Видео: Beta Info Telegram-канали.
