Юнусобод туманида ўтказилган хатловда аниқланган 332 та фойдаланилмаётган объект ва ер майдонларида янги ишлаб чиқаришларни ташкил этилади. Президент матбуот хизматининг хабар қилишича, давлат раҳбари «Ўзэкспомарказ"да Тошкент шаҳри ва Юнусобод тумани ҳокимлари, мутасаддилар ва секторлар раҳбарлари, маҳалла раислари иштирокида ўтказган йиғилишда бу борада тегишли кўрсатмалар берилди.
Йиғилишда Юнусобод туманини иқтисодий ривожлантириш, 63 та маҳалладаги ижтимоий ҳолатни янада яхшилаш, аҳоли фаровонлигини оширишга қаратилган чора-тадбирлар белгилаб берилди.
2019 йилда саноат ва хизмат кўрсатиш соҳаларида мўлжалланган 38 та лойиҳанинг ҳар бири бўйича ташаббускорлар ва манбаларини аниқ кўрсатган ҳолда «йўл харита"лари ишлаб чиқиш зарурлиги таъкидланди.
Ижтимоий долзарб масалаларни ҳал қилиш, уй-жой фондини ривожлантириш, коммунал хизматларни яхшилаш, объектларни куз-қиш мавсумига тайёрлаш борасидаги вазифалар белгилаб берилди.
