ЕТТБ президенти Сума Чакрабартининг Ўзбекистонга ташриф буюриши кутилмоқда. 6 февраль куни Ўзбекистон ташқи ишлар вазири Абдулазиз Камилов ва Тошкентга келган Европа тикланиш ва тараққиёт банкининг (ЕТТБ) Марказий Осиё ва Россия бўйича бошқарувчи директори Наталиа Ханженкова бошчилигидаги делегация билан учрашувда ташриф кун тартиби кўриб чиқилди.
Учрашув чоғида Ўзбекистон ва ЕТТБ ўртасидаги ҳамкорликнинг устувор йўналишлари муҳокама қилинди, деб хабар берди ТИВ матбуот хизмати.
Икки томон муносабатларида вужудга келган муайян тўхталиш ҳамкорликнинг ҳолати ва истиқболларига замонавий шартлар асосида янгича нигоҳ ташлашга имкон бериши таъкидланди.
