Танзила Нарбаева мамлакат мустақиллиги билан боғлиқ чиқишларга тўхталди. «Ўзбекистон ҳеч қачон ҳеч кимга мустамлака бўлмайди», — деди Сенат раиси ёшлар билан учрашувда.
Тошкентдаги Tасвирий санъат галереясида Абдурауф Фитрат ҳаёти ва ижодига бағишланган кўргазма очилди. Намойиш 20 январгача давом этади. Лойиҳа муаллифи Мақсуд Аскаров аввалроқ Чўлпон ва Беҳбудийга бағишланган кўргазмаларни ташкиллаштирган эди.
«Док-1 Макс» иши бўйича 17 ноябрдаги судда жабрланувчилар тиббиёт ходимларининг нопрофессионаллигидан, касалхоналарда катетер каби буюмлар бўлмаганидан шикоят қилди. «Шу нарса қандай қилиб танқис бўлиши мумкин?», — деди 1 яшар қизидан айрилган ота. Адвокатлар эса экспертларни саволларга кўмди.
Ноябрь бошидан бери ўзбекистонликлар ҳар йилгидан-да кучлироқ шамоллашни бошдан кечирмоқда. Кўпчиликда бир ҳил шикоят — тана ҳарорати 38 даражадан тушмаяпти, кучли йўтал, суяклар оғриши, кўнгил айниши, диарея. Айримлар буни ковид билан боғлашяпти. «Газета.uz»нинг навбатдаги видеорепортажи шу ҳақда.
«Док-1 Макс» иши бўйича 15 ноябрда бўлган судда Фармагентликнинг судланаётган собиқ раҳбари Сардор Кариев ўзининг собиқ ўринбосарига: «Сен ифлосни деб шу ерда ўтирибман!», деди. Қизи вафот этган жабрланувчилардан бири эса ҳеч кимга даъвоси йўқлигини ва уни ортиқ безовта қилмасликларини сўради.
Парламентда турли идора вакиллари иштирокида пойтахтдаги тирбандликлар, жамоат транспортини ривожлантириш, шаҳарларни кўкаламзорлаштириш ва бошқа масалалар муҳокама қилинди. Муҳокамада сўз олганлар, жумладан, журналистимиз, эколог ва шаҳаршунос нималар ҳақида сўз юритгани — «Газета.uz» репортажида.
«Док-1 Макс» иши бўйича 13 ноябрда бўлган судда фарзандидан айрилган тўққиз жабрланувчи кўрсатма берди. Улардан бири Фармагентлик собиқ раҳбари Сардор Кариев билан мунозарага киришди. Судда тиббиёт ходимлари ва Соғлиқни сақлаш вазирлигининг масъулиятсизлигига эътибор қаратиш чақириқлари янгради.
«Док-1 Макс» иши бўйича суд давом этмоқда. 10 ноябрь куни бўлиб ўтган мажлисда фарзанди дори истеъмолидан сўнг вафот этган беш жабрланувчи кўрсатма берди. Уларнинг баъзилари бир неча млрд сўмлик моддий компенсация талаб қилди, аксарияти айбланувчиларга нисбатан энг оғир жазо тайинланишини сўради.
Антикоррупция агентлиги директори Акмал Бурханов коррупция ҳолати ҳақида хабар берган фуқаролар, шу жумладан журналистларни ҳимоя қилиш учун янги қонун лойиҳаси ишлаб чиқилаётганини маълум қилди. «Замон журналистларни ҳимоя қилишнинг ҳуқуқий асосларини такомиллаштиришни талаб этяпти», — деди у.
«Док-1 Макс» сиропидан болалар ўлаётгани ҳақида биринчи хабар берган Самарқанд Болалар кўп тармоқли тиббиёт маркази бош шифокори Маматқул Азизов судда кўрсатма берди. Адвокат саволига жавобан мутахассис сиропдан вафот этганлар рўйхатида 66-ўлим ҳам борлигини таъкидлади.
ОАВда чиқаётган коррупцияга оид ҳар бир материал алоҳида назоратга олиняпти, дея қайд этди Коррупцияга қарши курашиш агентлиги директори. «Журналистлар суриштирувлар орқали коррупциянинг янги кўринишларини очишда бизга ёрдам беряпти ва улар жиноят сифатида эътироф этиляпти», — деди Акмал Бурханов.
Пойтахтда «Диққат пиёда» тадбири доирасида йўлнинг белгиланмаган жойидан кесиб ўтган 6000 нафардан ортиқ пиёда жаримага тортилди, деди Тошкент ЙҲХБ бошлиғи Рафиқжон Жалилов. 57 нафар ҳайдовчига эса пиёдаларга йўл бермагани учун чора кўрилган. Жойларда 34 та тугмачали светофор ўрнатилган.
Сурхондарёнинг собиқ ҳокими Тўра Боболов ортидан 13 туман ҳокими қаторида ишдан олинган, 1 йил давомида Қизириқ туманига раҳбарлик қилган Рустам Пардаев 4та жиноий модда доирасида суд қилинмоқда. Унга ўзлаштириш, фирибгарлик, мансаб сохтакорлиги каби айбловлар қўйилган.
Самарқанд транспорт бош режасига эга бўлган биринчи шаҳарга айланди. Унда устуворлик пиёдаларнинг қулай ва хавфсиз ҳаракатланишига ҳамда жамоат транспортини ривожлантиришга берилган. Шунга қарамай, маҳаллий ҳокимият аҳоли ва мутахассислар фикрига зид равишда шаҳар марказида учинчи туннелни қурмоқчи.
Ўзбекистонда шахслар жиноятда гумонланиб, қўлга олинаётганда уларнинг ҳуқуқлари тушунтириляптими? Блогер Олимжон Ҳайдоровга ҳам Миранда қоидаси ўқиб эшиттирилдими? «Газета.uz» янги Конституция билан кучга кирган ушбу қоида амалда қанчалик ишлаётгани ҳақида ҳуқуқ-тартибот идораларига сўров юборди.
Тошкент метрополитени бекатларида йўлкирани қўлни сканерлаш орқали тўласа бўладиган тизим — Handpay ишга туширилиши мумкин. У Face ID тизими барча бекатларни қамраб олганидан сўнг йўлга қўйилиши айтилмоқда.
USAID администратори Саманта Пауэр Марказий Осиё давлатлари ва АҚШ ўртасидаги ҳамкорликнинг янги босқичини «янги умид ва имкониятлар дунёси» деб атади. Унинг сўзларига кўра, у АҚШ президентининг «ушбу муҳим минтақа мамлакатлари ва халқлари билан ҳамкорликни чуқурлаштириш» илтимосига биноан келган.
USAID раҳбари Саманта Пауэр Марказий Осиё мамлакатларига савдодаги тўсиқларни бартараф этиш, «яшил» иқтисодиётни ривожлантириш ва дезинформацияга қарши курашиш учун 14,3 млн доллар ажратилишини эълон қилди. Унинг таъкидлашича, «ОАВни қўллаб-қувватлаш ҳам демократик, ҳам иқтисодий ислоҳотдир».
USAID администратори Саманта Пауэр бошчилигида Марказий Осиё давлатлари ва АҚШ делегациялари иқтисодий ҳамкорликни мустаҳкамлаш ва ривожлантириш масалаларини муҳокама қилди. «Биз АҚШнинг минтақанинг янада ривожланишига қизиқишини олқишлаймиз», — деди Ўзбекистон инвестициялар вазири.
Навоийдаги Сентоб қишлоғи UNWTO`нинг энг яхши туризм қишлоқлари рўйхатига киритилди. Номзодлар рўйхатига Ўзбекистондан яна 4 та туризм қишлоғи ҳам киритилганди.
Қўшимча имкониятларга эга булиш учун сайтда рўйхатдан ўтинг