Германия Федерал прокуратураси Марказий Осиёдан бўлган етти фуқарони террорчилик гуруҳи тузиш, унда қатнашиш ва «Исломий давлат» террорчилик ташкилотини қўллаб-қувватлашда айблади. Бу ҳақда идора сайтидаги баёнотда сўз боради.
Айбланувчилар ўтган ёзда Германия ғарбидаги Шимолий Рейн-Вестфалияда қўлга олинган ва ўшандан бери ҳибсда сақланмоқда. Улар орасида икки нафар Туркманистон ва Қирғизистон ва беш нафар Тожикистон фуқароси бор. Улар «бир-бирини узоқ вақтдан бери танийди ва радикал исломий қарашларга эга», — деб таъкидлади прокуратура.
Маълумотларга кўра, айбланувчилар 2022 йил баҳорида Украинадан Германияга кириб, мамлакатда ҳужумлар уюштириш учун террорчилик гуруҳи тузган. Бунинг учун улар мунтазам равишда учрашиб, эҳтимолий ҳужум нишонларини кўздан кечириб, қурол сотиб олишга уринган. Шу билан бирга, ҳуқуқ-тартибот идоралари ходимлари таъкидлаганидек, қўлга олиш вақтида уларда ҳужум бўйича аниқ режа бўлган. Қўлга олинганлар, шунингдек, «Исломий давлат»нинг Афғонистондаги бўлими — ИШИД-Хуросон аъзолари билан алоқада бўлган.
Бундан ташқари, айбланувчилар (гуруҳ аъзоларидан бири бундан мустасно) ИШИД учун пул йиғиб, 2022 йил апрелидан 2023 йил майигача террорчиларга бир неча минг евро ўтказиб бергани айтилмоқда.
