7−28 апрель кунлари Алишер Навоий номидаги давлат академик катта театрида «Тошкент баҳори» халқаро опера ва балет фестивали бўлиб ўтади. Ушбу тадбир пойтахтда қарийб 17 йилдан буён ўтказиб келинмоқда.
Италиянинг Ўзбекистондаги элчихонаси ташаббуси билан фестивалда Милан консерваторияси профессори, Жоаккино Россини номидаги симфоник оркестр дирижори Даниэль Аджиман, опера солистлари Валентино Бои ва Паоло Лардицционе иштирок этади.
Чет эллик меҳмонлар орасида Германия, Грузия ва Қозоғистоннинг опера ва балет театрлари солистлари бор, лекин энг кўп иштирокчилар Россиядан келмоқда. Фестиваль давомида Тошкент саҳнасига «Геликон-опера», «Новая опера», Мариинский ҳамда Россия давлат академик катта театлари ижодкорлари чиқади.
Саҳнада маҳаллий дирижёрлар ўрнини Россия, Италия ва Германиядан келган ҳамкасблари эгаллайди.
Фестиваль дастури
- 7 апрель — «Майсаранинг иши» комедик операси, Сулаймон Юдаков;
- 12 апрель — «Бал маскарад» операси, Жузеппе Верди;
- 14 апрель — «Богема» операси, Жакомо Пуччини;
- 18 апрель — «Оққуш кўли» балети, Пётр Чайковский;
- 20 апрель — «Тоска» операси, Жакомо Пуччини;
- 21 апрель — «Риголетто» операси, Жузеппе Верди;
- 24 апрель — «Камелияли хоним» балети, Жузеппе Верди, Педро Масканьи;
- 26 апрель — «Жизель» балети, Адольф Адам;
- 28 апрель — «Травиата» операси, Жузеппе Верди.
