Mahalla va oilani qo‘llab-quvvatlash vaziri koronavirusga qarshi emlandi
Mahalla va oilani qo‘llab-quvvatlash vaziri Rahmat Mamatov 3 iyul kuni Qashqadaryoga xizmat safari chog‘ida koronavirusga qarshi emlandi.
«Himoya orderini hech kim olmasa kerak, deb o‘ylagandim». Tanzila Narbayeva — tazyiqqa uchragan ayollar haqida
Senat raisi tazyiq va zo‘ravonlik qurboni bo‘lgan ayollar haqida gapirar ekan, himoya orderini hech kim olmasada kerak, degan fikrda bo‘lganini aytdi. «Ayniqsa O‘zbekistonda, uzoq qishloqlarda yashayotgan ayollar uyimdagi gap-so‘zlar ko‘chaga chiqmasin deydi. Bu tizim qanday ishlar ekan deb o‘ylasam, 1 yil ichida 15 ming ayol himoya orderini olibdi», — dedi u. Shuningdek, himoya orderini erkaklar ham olishi mumkinligi, qolaversa uning muddatini bir oydan uzoqroqqa cho‘zish hamda bu boradagi qonunchilikni kuchaytirish masalalari ko‘rib chiqilayotgani ma’lum qilindi.
Shavkat Mirziyoyev va Vladimir Putin Afg‘onistondagi vaziyat rivojini muhokama qildilar
Rossiya va O‘zbekiston prezidentlari Afg‘onistonning shimoliy hududlaridagi ahvol yomonlashishi munosabati bilan Markaziy Osiyodagi vaziyatning rivojini muhokama qildilar.
1 avgustdan to‘y va marosimlarda faqat 50 kishi qatnashishi mumkin
Respublika maxsus komissiyasi qarori bilan 1 avgustdan boshlab to‘y va marosimlarni 50 kishidan ko‘p bo‘lmagan holda tashkil etishga ruxsat berildi.
O‘zbekistonda barcha turdagi ommaviy tadbirlar vaqtincha to‘xtatildi
O‘zbekistonda ommaviy tadbirlar, konsert, festival, teatr va kino dasturlari vaqtincha to‘xtatildi. Sport musobaqalari muxlislarsiz o‘tkazilishi mumkin.
Jahon yangiliklari dayjesti
Dunyo bo‘ylab sodir bo‘layotgan tabiiy ofatlar, BAAning emlash darajasi bo‘yicha dunyoda birinchi o‘rinni egallagani, Indoneziyada chet elliklar uchun kirish qoidalari kuchaytirilgani va boshqa yangiliklar — «Gazeta.uz»ning jahon yangiliklari dayjestida.
Toshkentdagi qishloq xo‘jaligi texnikalari zavodlari Chirchiqda tashkil etiladigan klasterga ko‘chiriladi
Toshkentdagi qishloq xo‘jaligi texnikalari zavodlari va «O‘zKlaas Agro» Chirchiqqa ko‘chirilib, sanoat klasteri usulida yagona maydonda joylashtiriladi. Klasterni tashkil etishga 500 milliard so‘m ajratiladi. Bu mablag‘ tarmoq korxonalarining bino-inshootlari va maydonlari auksion savdolarida sotilishi hisobidan qaytariladi.
Toshkent yog‘-moy kombinatidagi davlat ulushi sotuvga chiqarildi
«Moya mechta», «Dushka» va boshqa nomlar ostida yog‘, margarin, mayonez kabi mahsulotlar ishlab chiqarayotgan Toshkent yog‘-moy kombinati ustav kapitalidagi 55,96 foizlik davlat ulushi birja savdolariga qo‘yildi.
5 iyul kuni O‘zbekistonda sodir bo‘lgan eng muhim xabarlar dayjesti
O‘zbekistonda ijtimoiy tarmoqlar faoliyati cheklanganidan so‘ng mobil VPN birdaniga ommalashishi, prezidentning joriy haftadagi ish grafiki, Shavkat Mirziyoyev va Emomali Rahmoniing telefon orqali muloqoti, lotin yozuvidagi alifboga o‘tish bo‘yicha topshiriq — “Gazeta.uz"ning 5 iyuldagi eng muhim xabarlari dayjestida.
Benzin narxi yil boshidan buyon 17 foizga qimmatlashdi — Statistika qo‘mitasi
O‘zbekistonda benzin narxi olti oy ichida 17 foizga, propan esa iyunning o‘zida 8,7 foizga qimmatlashdi.
Iyunda 0,2 foizlik deflyatsiya qayd etildi. Bir oy ichida narxlar qanday o‘zgardi?
Iyun oyida mavsumiy omillar hisobiga 0,2 foizlik mavsumiy deflyatsiya kuzatildi. Oziq-ovqat mahsulotlari 0,9 foizga arzonlashdi, meva-sabzavot mahsulotlari va tuxum narxi sezilarli pasaydi. Nooziq-ovqat mahsulotlar 0,5 foizga, xizmatlar esa 0,2 foizga qimmatlashdi.
Bosh vazir lotin yozuvidagi alifboga o‘tishni tezlashtirish bo‘yicha topshiriq berdi
Hukumat lotin yozuviga asoslangan o‘zbek alifbosiga o‘tishni tezlashtirish bo‘yicha topshiriq berdi. 1 avgustga qadar davlat organlari barcha ko‘chalar, peshlavhalar va turli blaklarning lotin yozuvida bo‘lishini ta’minlashi kerak. Oldinroq ushbu vazifani 2022 yil dekabriga qadar bajarish ko‘zlangan edi.
Shavkat Mirziyoyev va Emomali Rahmon Afg‘oniston bilan chegaralarni himoya qilishni kuchaytirish to‘g‘risida kelishib oldilar
Shavkat Mirziyoyev va Emomali Rahmon mintaqada Afg‘oniston yo‘nalishidagi ahvolning yomonlashishi va keskinlikning kuchayishi bilan bog‘liq vaziyatning rivojlanishini muhokama qildilar. Tomonlar Afg‘oniston bilan chegarani qo‘riqlashni kuchaytirishda kuch ishlatar tuzilmalar va huquqni muhofaza qilish idoralari o‘rtasidagi hamkorlikni yanada muvofiqlashtirishga tayyorligini tasdiqladilar.
Davlat kompaniyalariga davlat xaridlarini tendersiz amalga oshirish taqiqlandi
Davlat kompaniyalari uchun individual tarzda davlat xaridlarini tendersiz o‘tkazishning mavjud talablari bekor qilindi. Ularga davlat xaridlari o‘tkazilishi to‘g‘risidagi e’lonlar va davlat xaridlari natijalari to‘g‘risidagi axborotni maxsus axborot portali va OAVda e’lon qilish majburiyati yuklatildi.
Dollarning rasmiy kursi biroz pasaydi
Dollarning rasmiy kursi 19,94 so‘mga pasaydi va jami 10 593,60 so‘m etib belgilandi. Yevro va rubl kurslari esa biroz ko‘tarildi.
Toshkentda Matiz yo‘l aylanmasidan pastga tushib ketdi
Yashnobod tumanida Matiz uch qavatli yo‘l aylanmasining ikkinchi qavatidan pastga tushib ketdi. Oqibatda haydovchi tan jarohatlari bilan kasalxonaga yotqizilgan.
Yer osti metrosi qurilishida qariyb 900 mln so‘m talon-toroj qilingan — Transport prokuraturasi
Toshkent metrosidagi nosozliklar ortidan Transport prokuraturasi metropoliten faoliyatini o‘rganib, inson omiliga bog‘liq bo‘lgan 650 ta kamchilikni aniqladi. Metrodagi muammolarni hal etish uchun davlat byudjetidan mablag‘ ajratilgani aytildi. Qolaversa, «Toshkent metropoliteni» yo‘lovchilar sonini oshirib, kunlik daromadni 560 mln so‘mga chiqarish, reklamadan tushadigan daromadni esa 6 oyda 4,1 mlrd so‘mga yetkazishni reja qilayapti.
Jinoiy daromadlarni legallashtirishga qarshi kurashish bo‘yicha qo‘shimcha chora-tadbirlar tasdiqlandi
Hukumat jinoiy daromadlarni legallashtirishga qarshi qo‘shimcha chora-tadbirlarni tasdiqladi. Banklar, fond birjalari, advokatlar va notariuslar shubhali operatsiyalar to‘g‘risida Bosh prokuratura huzuridagi Iqtisodiy jinoyatlarga qarshi kurashish bo‘limiga xabar berishlari majburiy etib belgilandi.
Olimpiya va Paralimpiya o‘yinlarida qatnashadigan Toshkent viloyatilik sportchilarga mukofotlar topshirildi
Tokio-2020 yozgi Olimpiya hamda Paralimpiya o‘yinlariga yo‘llanmalarni qo‘lga kiritgan bir guruh Toshkent viloyati sportchilariga uy, Spark rusumli avtomobillar hamda pul mukofotlari topshirildi. Avvalroq, Shavkat Mirziyoyev musobaqadan oldin sportchilarning kayfiyatini ko‘tarish kerakligi haqida aytgan edi. “Qancha ularni e’tirof etsak ularda g‘alabaga ehtiyoj paydo bo‘ladi”, — degan edi prezident.
Tojikiston yana mingdan ortiq afg‘on harbiylarini qabul qildi
5 iyulga o‘tar kechasi «Tolibon» kuchlari Afg‘onistonning Badaxshon provinsiyasidagi oltita okrugni o‘z nazoratiga oldi. Tojikiston qo‘shni davlat hududiga chekingan Afg‘oniston hukumat qo‘shinlarining 1000 dan ortiq harbiy xizmatchilarini qabul qildi.
Qo‘shimcha imkoniyatlarga ega bulish uchun saytda ro‘yxatdan o‘ting