Iqtisodiyot
Dollarning rasmiy kursi yana ko‘tarildi
Dollarning rasmiy kursi 22,48 so‘mga ko‘tarildi va jami 10 625,04 so‘m etib belgilandi. Shuningdek, yevro kursi biroz ko‘tarildi, rubl kursi esa biroz pasaydi.
Navoiy IESda gaz sizib chiqishi tufayli elektr energiyasi ta’minotida uzilishlar kuzatilishi mumkin
Navoiy issiqlik elektr stansiyasining bug‘-gaz qurilmalarini tabiiy gaz bilan ta’minlovchi quvurida gaz sizib chiqdi. Nosozlikni bartaraf etish ishlarini xavfsiz bajarish uchun gaz ta’minoti to‘xtatilmoqda. «Shu sababli respublikamizning ayrim hududlarida elektr energiyasi ta’minotida qisqa muddatli uzilishlar kuzatilishi mumkin», — deya ma’lum qildi Energetika vazirligi.
Samarqand xalqaro aeroportiga yangi direktor tayinlandi
Saydullo To‘xtasinov Samarqand xalqaro aeroportining yangi direktori etib tayinlandi. Shu bilan birga u Andijon xalqaro aeroporti direktori vazifasida faoliyat yuritadi.
Dollarning rasmiy kursi ko‘tarildi
Dollarning rasmiy kursi 8,96 so‘mga ko‘tarildi va jami 10 602,56 so‘m etib belgilandi. Yevro kursi biroz pasaydi, rubl kursi esa biroz ko‘tarildi.
Toshkentdagi qishloq xo‘jaligi texnikalari zavodlari Chirchiqda tashkil etiladigan klasterga ko‘chiriladi
Toshkentdagi qishloq xo‘jaligi texnikalari zavodlari va «O‘zKlaas Agro» Chirchiqqa ko‘chirilib, sanoat klasteri usulida yagona maydonda joylashtiriladi. Klasterni tashkil etishga 500 milliard so‘m ajratiladi. Bu mablag‘ tarmoq korxonalarining bino-inshootlari va maydonlari auksion savdolarida sotilishi hisobidan qaytariladi.
Toshkent yog‘-moy kombinatidagi davlat ulushi sotuvga chiqarildi
«Moya mechta», «Dushka» va boshqa nomlar ostida yog‘, margarin, mayonez kabi mahsulotlar ishlab chiqarayotgan Toshkent yog‘-moy kombinati ustav kapitalidagi 55,96 foizlik davlat ulushi birja savdolariga qo‘yildi.
Benzin narxi yil boshidan buyon 17 foizga qimmatlashdi — Statistika qo‘mitasi
O‘zbekistonda benzin narxi olti oy ichida 17 foizga, propan esa iyunning o‘zida 8,7 foizga qimmatlashdi.
Iyunda 0,2 foizlik deflyatsiya qayd etildi. Bir oy ichida narxlar qanday o‘zgardi?
Iyun oyida mavsumiy omillar hisobiga 0,2 foizlik mavsumiy deflyatsiya kuzatildi. Oziq-ovqat mahsulotlari 0,9 foizga arzonlashdi, meva-sabzavot mahsulotlari va tuxum narxi sezilarli pasaydi. Nooziq-ovqat mahsulotlar 0,5 foizga, xizmatlar esa 0,2 foizga qimmatlashdi.
Davlat kompaniyalariga davlat xaridlarini tendersiz amalga oshirish taqiqlandi
Davlat kompaniyalari uchun individual tarzda davlat xaridlarini tendersiz o‘tkazishning mavjud talablari bekor qilindi. Ularga davlat xaridlari o‘tkazilishi to‘g‘risidagi e’lonlar va davlat xaridlari natijalari to‘g‘risidagi axborotni maxsus axborot portali va OAVda e’lon qilish majburiyati yuklatildi.
Dollarning rasmiy kursi biroz pasaydi
Dollarning rasmiy kursi 19,94 so‘mga pasaydi va jami 10 593,60 so‘m etib belgilandi. Yevro va rubl kurslari esa biroz ko‘tarildi.
Jinoiy daromadlarni legallashtirishga qarshi kurashish bo‘yicha qo‘shimcha chora-tadbirlar tasdiqlandi
Hukumat jinoiy daromadlarni legallashtirishga qarshi qo‘shimcha chora-tadbirlarni tasdiqladi. Banklar, fond birjalari, advokatlar va notariuslar shubhali operatsiyalar to‘g‘risida Bosh prokuratura huzuridagi Iqtisodiy jinoyatlarga qarshi kurashish bo‘limiga xabar berishlari majburiy etib belgilandi.
O‘zbekiston ikkilamchi bozorida uy-joylar bir chorakda 5,7 foizga qimmatlashdi
Ikkilamchi bozorda uy-joylar narxi II chorak davomida o‘rtacha 5,7 foizga ko‘tarildi. Narxlar eng ko‘p Namangan, Surxondaryo va Toshkent viloyatlarida qimmatlashdi, barcha oldi-sotdi shartnomalarining uchdan biri esa Toshkentga to‘g‘ri kelmoqda. Poytaxtdagi ko‘chmas mulk narxlari aholi jon boshiga daromadi yuqoriroq bo‘lgan dunyoning boshqa poytaxt-shaharlaridan balandroq, deyiladi MB mutaxassisi sharhida.
Dollarning rasmiy kursi ko‘tarildi
Dollarning rasmiy kursi 25,95 so‘mga ko‘tarildi va jami 10 613,54 so‘m etib belgilandi. Yevro va rubl kurslari ham biroz pasaydi.
Yarim yilda qariyb 500 ta davlat mulki 1,1 trln so‘mga sotildi
O‘zbekistonda shu yilning birinchi yarmida 478 ta davlat mulki 1,1 trln so‘mga sotildi. Prezident videoselektorda sotilishi belgilangan 288 ta mulk savdolarga chiqarilmaganini tanqid qildi. Qolaversa, davlat korxonalari va banklari ixtiyoridagi ularning faoliyatiga xos bo‘lmagan 511 ta obyekt haligacha sotilmasdan turgani aytildi.
Davlat mulklarini «1 so‘m» qiymatda savdoga chiqarish amaliyoti bekor qilinadi
Prezident davlat korxonalari hamda banklarning asosiy faoliyatga xos bo‘lmagan va bo‘sh turgan obyektlarini to‘liq qaytadan xatlovdan o‘tkazib, ularni xususiylashtirishga tayyorlash bo‘yicha topshiriq berdi. Davlat mulklarini «1 so‘m» qiymatda savdoga chiqarish amaliyoti bekor qilinadi. obyektlar bozor bahosida elektron savdolarga chiqariladi.
Suv va ichimlik ishlab chiqaruvchilari nima uchun majburiy markirovkadan norozi? DSQ munosabati
Suv va salqin ichimlik ishlab chiqaruvchilari markirovka bo‘yicha tajriba loyihasini to‘xtatishga chaqirmoqda, ularning fikricha, bu iqtisodiy jihatdan maqsadga muvofiq emas. Soliq qo‘mitasi kompaniyalar xavotirlarini asossiz deb atab, ularning loyihada qatnashish haqidagi kelishuvni imzolab bo‘lganlarini ma’lum qildi.
Dollarning rasmiy kursi yana pasaydi
Dollarning rasmiy kursi 3,41 so‘mga pasaydi va jami 10 587,59 so‘m etib belgilandi. Shuningdek, yevro kursi ham biroz pasaydi, rubl kursi esa ko‘tarildi.
Yosh oilalarga uy-joy sotib olish uchun byudjetdan 60 mlrd so‘m mablag‘ ajratiladi
Yosh oilalarga ipoteka dasturi doirasida uy-joy sotib olish uchun 2 mingta kvota ajratilib, byudjetdan 60 mlrd so‘m mablag‘ yo‘naltiriladi deya ma’lum qildi prezident Shavkat Mirziyoyev yoshlar forumida. Ularning ipoteka kreditini qaytarishga to‘lagan mablag‘lari daromad solig‘idan to‘liq ozod qilinadi. Shuningdek, «Daftarlar»ga kirgan oilalarning yangi turmush qurayotgan farzandlariga o‘z xonadonida qo‘shimcha uy-joy tiklashi uchun 33 mln so‘mgacha garovsiz kredit ajratish tizimi yo‘lga qo‘yiladi.
Prezident yoshlar bandligini ta’minlash bo‘yicha qator choralarni e’lon qildi
Shavkat Mirziyoyev maktab bitiruvchilariga attestat berishda mehnat bozorida talab yuqori bo‘lgan biror kasb yoki hunarni egallash majburiy etib belgilanishini ma’lum qildi. Shuningdek, kengash va idora rahbarlarigiga kamida 2 nafardan yosh nomzodlar zaxirasini tasdiqlanishi belgilanmoqda. Xalqaro nufuzli reytinglarda minggtalikka kirgan oliygohni tugatgan yosh mutaxassislarga qo‘shimcha haq to‘lanadi. 2021 yilning yakuniga qadar Qoraqalpog‘iston va bir qator viloyatlarda yoshlar texnoparklari foydalanishga topshiriladi.
USAID qishloq xo‘jaligi sohasida biznes loyihalar tanlovini e’lon qildi
AQSh Xalqaro taraqqiyot agentligi agrobiznes sohasidagi korxonalar uchun biznes g‘oyalar tanlovini o‘tkazmoqda. Unda ayollar va yoshlar boshqaruvidagi yoki ularni ish bilan ta’minlovchi korxonalar ishtirok etishi mumkin. Tanlovda qatnashish uchun ariza topshirish sanasi 16 iyulga qadar.
Eng ko‘p o‘qilgan xabarlar | So‘nggi yangiliklar
- Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
- UzAuto Motors`ning foydasi birinchi chorakda qariyb 5 barobar oshdi
- Energiya tariflari oshishi fonida kambag‘allik chegarasi yana bir bor oshirildi
- O‘zbekistonda eng ko‘p ish beruvchi 10 ta kompaniya nomi e’lon qilindi
Qo‘shimcha imkoniyatlarga ega bulish uchun saytda ro‘yxatdan o‘ting