RGCA тадқиқотига кўра Uzum Market нафақат онлайн харид қилиш сервислари орасида машҳур брендга айланди, балки сўнгги йилларнинг етакчиларидан бирлари — Telegram ва Instagram`ни фойдаланиш частотаси бўйича ҳам ортда қолдирди.
RGCA тадқиқ отида 800 дан ортиқ ўзбекистонлик иштирок этди ва танлама бутун мамлакат аҳолисини акс эттирадиган ҳолда тузилган.
Cўралганларнинг 98 фоизи Uzum Market`ни онлайн харид қилиш сервислари орасида номлади, Olx`ни айтганлар эса 69 фоизини ташкил этди ва етакчи учликни 65 фоиз иштирокчилар эсга олган Telegram ёпди. Шунингдек, рўйхатда Instagram (60%), Texnomart (43%) ва Aliexpress (40%) ҳам бор эди. Харид қилиш учун кўп ишлатиладиган сервислар рейтингида биринчи учликни Telegram (14%) ва Instagram (10%) дан катта фарқ билан Uzum Market (53%) бошлади.
Шу билан бирга, миллий маркетплейсни 18 дан 24 ёшгача эркаклар фаолроқ ўзлаштирмоқда — ушбу тоифадаги респондентларнинг ҳар бири январь ойда Uzum Market`да харид қилган. Энг фаол онлайн харидорлар эса Самарқанд, Бухоро ва Наманган шаҳарларида яшайдилганлар бўлиб чиқди — ушбу шаҳарлардан сўралганларнинг 10 тасидан 6 нафари Uzum Market`да буюртма берган.
«Биз онлайн харид қилиш учун ихтисослашган сервисларнинг машҳурлиги ошиб бораётганини кўрмоқдамиз. Буюртма тарқатиш пунктларининг кенг тармоғининг мавжудлиги етказиб бериш тезлиги билан бир қаторда ўзбекистонликларнинг харид қилиш платформасини танлашда аҳамиятга эга асосий омиллардан бирига айланди — бу ерда ҳам Telegram, ҳам Instagram дўконлари Uzum Market ва унинг улкан логистика инфратузилмасидан ортда қолмоқда. Айтиш жоизки, нархларни таққослаш ва бирор нарса нотўғри бўлса, маҳсулотни қайтариб бериш имконияти ўз-ўзидан онлайн харид қилиш олдидаги тўсиқларни енгиб ўтишга ёрдам беради ва илгари маҳсулотларга онлайн буюртма беришдан қочган аудиторияни жалб қилади. Бу ерда сарафан радиоси ҳам муҳим роль ўйнайди — сўровда қатнашган 10 кишидан 7 нафари Uzum Market`ни оила ва дўстларига тавсия этишга тайёр, Telegram-шопингда эса бу кўрсаткич атиги 27 фоизни ташкил этди», — деди RGCA раҳбари Вячеслав Карпов.
Research Group Central Asia 2022 йил бошида истеъмолчи тадқиқотлари бозорида тўлиқ хизмат кўрсатувчи агентлик сифатида ташкил этилган.
RGCA — бу тадқиқот лойиҳаларини амалга оширишда катта тажрибага эга бўлган мутахассислардир. Компания миқдорий ва сифатли тадқиқотларнинг тўлиқ спектрини олиб боради, IPSOS халқаро операторининг расмий аккредитациядан ўтган агентлиги, шунингдек Romir тадқиқот холдингининг лицензиати ҳисобланади.
Реклама ҳуқуқлари асосида.
