Турли мамлакатлар қалбаки маҳсулотларнинг кенг кўламли муаммосига қарши курашиш учун барча турдаги усуллар ва воситалардан фойдаланадилар. Ўзбекистонда уч йилдан буён бозорни рақамлаштириш, контрафакт ва контрабандага қарши курашиш асосий вазифаларидан бири бўлган Asl Belgisi рақамли маркировка тизими фаол жорий этилмоқда.
Бугунги кунда Asl Belgisi рақамли маркировка тизимида маҳсулот айланмаси иштирокчиларининг умумий сони 53 891 нафарни ташкил этади. 2023 йилда маҳсулот айланмаси иштирокчиларининг ўсиши 2022 йилдагига нисбатан тўрт баробарга ошди.
Asl Belgisi рақамли маркировка тизими учун 2023 йил самарали бўлди. Маркировка тизими оператори асосий саъй-ҳаракатларини тизимни ривожлантириш, истеъмолчилар учун мобил иловани модернизация қилиш, шунингдек, бизнес учун иловани ишга туширишга қаратди ва маҳсулот гуруҳларига сезиларли таъсир қилди.
Маркировка тизимининг таъсирлари
2023 йилда «Маиший техника» гуруҳи маҳсулотлари айланмаси иштирокчилари сони ўтган йилга нисбатан тўрт баробар ўсди. Маҳсулот айланмаси иштирокчилари сони ўсиши билан маиший техниканинг рўйхатдан ўтган савдо номлари сони ҳам кўпайиб, 2023 йилда 204 фоизга ошди. Шунингдек, 2022 йилга нисбатан 500 баробар кўпроқ маркировкали маиший техника муомаладан чиқарилди.
Дори воситаларини мажбурий маркировкалаш бошланганига бир йил бўлди ва 2023 йилда маҳсулот айланмаси иштирокчилари сони 2022 йилга нисбатан тўрт баробар кўпайди. Жорий йилда маркировкаланган дори воситаларини қабул қилиш бўйича сотиш 2022 йилга нисбатан 800 баравар кўпайди.
Asl Belgisi қўллаб-қувватлаш хизмати
Ҳозирда маркировка тизими фойдаланувчиларини қўллаб-қувватлаш хизмати мавжуд бўлиб, у маҳсулот айланмаси иштирокчиларининг кундалик сўровларини қабул қилади. Ўтган 2023 йил давомида қўллаб-қувватлаш хизмати томонидан маҳсулот айланмаси иштирокчиларининг телефон орқали 24 минг сўровини, Telegram орқали 14 мингдан ортиқ сўровни, шунингдек, E-mail, онлайн-шакл ва маълумотлар маркази орқали 7000 дан ортиқ мурожаатлар кўриб чиқилди. 2022 йилга нисбатан бу йил мурожаатлар сони 56 фоизга ошган.
Реклама ҳуқуқлари асосида.
