2022 йилнинг охирида TBC Bank «Орзудаги квартира» кенг қамровли акциясини ўтказди. Ўйин иштирокчилари Тошкентда Golden House`нинг Assalom Sohil турар-жой мажмуасида қиймати 500 млн сўм бўлган уч хонали квартира ютиб олиш имконига эга бўлди. Акция ғолиби 30 декабрь куни Zo’r ТV телеканалида тўғридан-тўғри эфирда аниқланди. Самарқанд вилоятида истиқомат қилувчи Муиба Эргашева исмли иштирокчи хонадон эгасига айланди.
Муиба Эргашева ўз оиласи билан камтарона ҳаёт кечиради. У шифохонада фаррош бўлиб ишлайди. Бўш вақтини рўзғор юмушларига тўлиқ бағишлайди: полиз ишлари билан шуғулланади, тандирда нон ёпади. Муиба ўғлининг маслаҳати билан TBC Bank`дан 12 млн сўм кредит олиб, иккита сигир сотиб олди. Аёлнинг айтишича, унга кредит шу куннинг ўзидаёқ маъқулланган. Бундан ташқари, у ўша пайт ўтказилаётган квартира ўйини иштирокчисига ҳам айланган.
«Бу ҳақда менга хабар беришганида, мен унча эътибор бермадим», — деди Муиба Эргашева.
Ўйин ўтказилаётган кунда Муибанинг ўғли ишлаш учун Москвага кетаётган эди. Аёл меҳмонлар билан банд бўлиб, акция натижаларини кузатишга вақт топа олмаган. Бироздан сўнг Муибага қизи қўнғироқ қилиб, онасига квартира ютиб олгани ҳақида хабар қилади. Бироқ Муиба, TBC Bank ходимлари у билан боғланиб, Тошкентда уч хонали квартира ютиб олганини маълум қилганидан кейингина ўз омадига ишонади.
«Агар билганимда эди, ўғлимни чет элга жўнатмаган бўлардим», — деди у.
Январь ойининг охирида Муиба турмуш ўртоғи билан бирга янги квартиранинг калитини олиш учун Тошкентга келди.
«Акция доирасида TBC UZ иловасида 10 млн сўмдан кредит олган ҳар қандай мижоз квартира ютиб олиши мумкин эди. Бироқ ўйин куни омад айнан сизга кулиб боқди. Орзулар амалга ошади, дейишади, сиз бунга шахсан амин бўлдингиз», — деди TBC Bank раиси ўринбосари Ҳикоят Дадабоева, ғолибни табриклар экан.
«Тошкентга кўчиб келиб, янги квартирангизда яшайсизми», деган саволга жавоб бераркан, Муиба Эргашева хонадонни набираларига беришини, чунки уларнинг келажакда ўқиш учун пойтахтга келишидан умидворлигини билдирди.
«Орзудаги квартира» акциясида ҳаммаси бўлиб 11 минг киши иштирок этди. Жами ID-чипталар сони 16 556 тани ташкил қилди. Қоидага кўра, 2022 йилнинг 5 сентябридан 20 ноябригача TBC Bank`да 10 млн сўм ва ундан кўпроқ онлайн-микроқарз олган мижозлар квартира ўйини иштирокчиларига айланиши керак эди. Бундан ташқари, мижоз кредитни 2022 йилнинг 31 декабригача қопламаслиги, шунингдек, унинг кечиктирилган тўловлари бўлмаслиги талаб этиларди. Ҳар 10 млн сўмга олинган кредит учун иштирокчи 1 та ID-чипта қўлга киритиши кўзда тутилган эди.
«Биз маҳсулот ва хизматларимиз ҳар бир фойдаланувчи учун қулай бўлишини таъминлашга интиламиз. Бизда кредит олиш ёки депозит очиш учун мижозга фақат смартфон ва интернет керак. Бундан ташқари, банкимиз хизматларидан фойдаланган мижозлар турли рағбатлантириш акциялари иштирокчиларига айланади. „Орзудаги квартира“ — ортда қолган йилнинг энг муҳим воқеаларидан бири. Бор-йўғи 12 млн сўмга кредит олган оддий иштирокчи Тошкентдаги квартира соҳибига айланди. Бу каби совринларни биз мижозларимиз ўртасида бундан кейин ҳам ўйнашда давом этамиз», — деди TBC Bank Узбекистан бошқарув раисининг ўринбосари Спартак Тетрашвили.
TBC Bank жамоаси «Орзудаги квартира» ғолиби ҳаёти билан яқиндан танишиш ва аёлни янги квартира билан табриклаш учун Муиба Эргашеванинг уйида меҳмон бўлди.
Қуйида ушбу сафар ҳақида видеолавҳа эътиборингизда.
Реклама ҳуқуқлари асосида.
