2022 йилнинг март ойи аномал ёмғирли бўлди, ушбу ойда ёғингарчилик миқдори бўйича кўплаб рекордлар ўрнатилди, деб хабар бермоқда Ўзгидромет.
Республика ҳудудининг шимол ва жанубдан ташқари катта қисмида ёғингарчилик миқдори ойлик меъёрга нисбатан кўп бўлди. Март ойида ёғингарчилик одатдагидан 2−3 марта, баъзи жойларда 3,5−4,5 марта кўпроқ кузатилди.
Тошкент, Жиззах, Сирдарё, Андижон, Фарғона, Наманган вилоятларининг айрим туманларида жорий йилнинг март ойидаги ёғингарчилик бутун метеорологик кузатувлар туркуми бўйича рекорд даражада содир бўлди. Тошкент шаҳрида ёғингарчилик 186 мм қайд этилди, бу март ойининг аввалги 1969 йилдаги рекордини янгилади.
Ёмғирларнинг давомийлиги ҳам аномал бўлди. Деярли ҳар куни 5 мартдан 18 мартгача бўлган даврда ёмғир ёғди, сўнг эса ёмғир бироз танаффус билан кузатилди.
Ўзбекистонда апрель ойи одатда об-ҳавонинг беқарорлиги билан ажралиб туради. Одатда момақалдироқ ва шиддатли шамоллар билан ёғадиган ёмғирлар тез-тез кузатилади. Республиканинг шимоли, чекка жануби ва чўл ҳудудларида ёғингарчилик ой учун ўртача 5 кундан 8 кунгача кузатилади, тоғли ҳудудларга яқинлашган сари ёғингарчилик бўладиган кунлар сони 9−13 кунгача кўпаяди.
«Метеорологик кузатувлар тарихида биз турли хил апрель ойларини кузатган эдик. Ёғингарчилик умуман бўлмаган жойларда жуда қуруқ ёки уларнинг ойлик миқдори меъёрдан 10% дан ҳам ошмаган. Шундай ҳолатлар кузатилганки, ёғингарчилик бир ойда меъёрдан 3−5 марта кўп бўлган», — дея қайд этмоқда синоптиклар.
Шундай қилиб, Тошкентда 1975 йилнинг апрель ойи энг қуруқ бўлган. Ёғингарчилик фақат икки марта ёғган ва уларнинг миқдори атиги 2 мм ни, бу апрель ойи меъёринингг 3% ни ташкил этган. 1990 йилнинг апрель ойида ёғингарчилик энг нам бўлган, унда ой учун ойлик ёғингарчилик меъёрнинг 300% атрофида бўлган, ёғингарчилик бўлган кунлар сони 19 кунни ташкил этган.
Метеорологик кузатувлар тарихида кеча-кундуз учун ёғингарчилик бўйича рекордчи 1990 йилнинг 8 апрель куни бўлган. Апрелнинг ойлик меъёри 62 мм бўлганда ушбу кунда Тошкентда 65 мм ёмғир ёғган.
Одатда апрель ойида ҳарорат фони ҳам беқарор бўлади. Баҳорий жадал исишлар қисқа муддатга аммо сезиларли даражада совуқ бўлиши ҳароратни пасайиши билан алмашиши мумкин.
«Ўзбекистон аҳолиси, эҳтимол, 2020 йил апрель ойи биринчи ўн кунлигининг охирида қор ёғганини ва ҳатто қишда ҳам камдан-кам ҳолларда бундай қор ёғмаганини эслашади», — дейилади хабарда.
Жорий йилнинг апрель ойи асосан қуруқ ва илиқ об-ҳаво билан бошланади. Ойнинг биринчи ҳафтасида кундузги ҳарорат +17…+22 даражадан +23…+28 даражагача, жанубда баъзи жойларда +30…+33 даражагача кўтарилади. Фақат 2 апрель куннинг иккинчи ярмида Тошкент, Жиззах, Сирдарё вилоятларининг айрим жойларида ва Фарғона водийсининг тоғ олди ва тоғли ҳудудларида қисқа муддатли момақалдироқ ёмғири ёғиши мумкин.
Кейинчалик Ўзгидромет прогнозига кўра, апрель ойи ҳарорат тартиби бўйича ўртача кўп йиллик қийматларга яқин бўлиши кутилмоқда. Ҳаво ҳарорати кечалари +3…+8 даражадан +10…+15 даражагача, кундуз кунлари +13…+18 даражадан +23…+28 даражагача, республика жанубида +30…+33 даражага ўзгариб туради.
Ойнинг айрим кунларида момақалдироқ билан қисқа муддатли ёмғир ёғиши кутилмоқда. Баъзи жойларда дўл ёғиши эҳтимолдан ҳоли эмас.
