«Тутқунлик» («Неволя») бадиий фильми Россияда бўлиб ўтган «Волоколамский рубеж» ҳарбий-ватанпарварлик кинофестивалида «Гран-при» бош соврини билан тақдирланди. Бу ҳақда Кинематография агентлиги ахборот хизмати хабар берди.
Фото: Кинематография агентлиги ахборот хизмати
Агентлик хабарига кўра, ушбу фильм Кинематография агентлиги буюртмасига биноан Рашид Маликов режиссёрлигида суратга олинган.
«Волоколамский рубеж» ҳарбий-ватанпарварлик кинофестивали 2004 йилдан буён ўтказилиб келинади. Унда ҳарбий-ватанпарварлик мавзусида суратга олинган бадиий ва ҳужжатли фильмлар саралаб олинади.
Фото: Кинематография агентлиги ахборот хизмати
«„Туткунлик“ фильми реал воқеаларга асосланган бўлиб, унда Яқин Шарқдаги уруш ўчоғидан ватандошларимизни қайтарилиши акс эттирилган. 2019−2020 йилларда ўтказилган мазкур „Меҳр“ операцияси Ўзбекистон президенти Шавкат Мирзиёев ташаббуси билан ташкил этилган», — дейилади хабарда.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Кинематография агентлиги, «Тутқунлик» кинокартинаси яқинда Туркиянинг «Коркут Ата» халқаро кинофестивалида ҳам иштирок этиб, ҳакамлар ҳайъатининг махсус совринига сазовор бўлганини ҳам қайд этиб ўтди.
