Бугун ва эртага Ўзбекистонда қуёшли ва жуда илиқ об-ҳаво сақланиб туради. Термометр устуни кундуз кунлари +32…+34 даражагача кўтарилади. Бу ушбу кунлар меъёридан +4…+6 даража юқоридир. Бу ҳақда Ўзгидромет хабар берди.
Якшанба куни республика ҳудудининг катта қисмида илиқ ҳаво массаларининг кириб келиши сақланиб туради. Кечаси ҳарорат +15…+17 даражани, кундуз куни +35…+37 даражани ташкил этади. Якшанба куни республиканинг шимолий ҳудудларига Волга бўйи ҳудудларидан салқин ҳаво кириб келиши бошланади. Кечга томон Қорақалпоғистонда ва Хоразм вилоятида баъзи жойларда бироз ёмғир ёғиши мумкин. Ҳаво ҳарорати кечаси +7…+12 даражагача, кундуз куни +20…+25 даражагача пасаяди.
Душанба куни салқин ҳаво Ўзбекистоннинг барча ҳудудига тарқалади. Республика бўйича ҳарорат фони кескин пасаяди ва ҳафтанинг биринчи ярми давомида кундуз кунги ҳаво ҳарорати +23…+27 даража, кечаси +12…+15 даража атрофида бўлади.
26−27 сентябрь кунларида салқин ҳаво массасининг кириб келишида булутли қатламлар кўпаяди ва баъзи жойларда шамол 15−20 м/с гача кучаяди.
Ҳафтанинг иккинчи ярмида ҳаво ҳароратининг янада пасайиши кутилмоқда.
