Тошкент хорижлик мутахассислар (экспатлар) яшаши учун энг арзон шаҳарлар учлигига кирди. Бу ҳақдаги маълумотни Mercer компанияси ўтказган тадқиқотда учратиш мумкин.
Тадқиқотлар 25 йилдан бери ўтказилиб келинади ва дунё бўйлаб 209 та шаҳарни ўз ичига олади. Тадқиқотларнинг асосий мақсади ҳорижга ўз ишчиларини юбораётган компаниялар ўз ҳаражатларини тўғри тақсимлай олишига ёрдам беришдан иборатдир.
Тадқиқотларнинг асосий мезони яшаш нархига намуна қилиб Нью-Йорк шаҳри, базавий валюта сифатида АҚШ доллари олинган. Бундан ташқари, тадқиқотларда транспорт, кийим-кечак, хўжалик маҳсулотлари каби 200 турдаги буюмларнинг нархлари ҳам ҳисобга олинган.
Рейтингга кўра, энг қиммат шаҳар Ҳонгконг деб топилди. Туркманистон пойтахти Ашхобод хорижлик мутахассислар яшаши учун энг қиммат шаҳарлар орасида 2-ўринни эгаллаган. Бу борада Ашхобод Токио, Цюрих, Сингапур, Сеул ва Шанҳай каби шаҳарларни ортда қолдирган. Бир йил аввал Ашхобод ушбу Cost of Living Survey рейтингида 7-ўринни эгаллаган.
Экспатлар учун энг арзон шаҳарлар ўнталигини Исломобод (Покистон), Лусака (Замбия), Скопье (Шимолий Македония), Тбилиси (Грузия), Банжул (Гамбия), Карачи (Покистон), Тошкент, Бишкек, Виндхук (Намибия) ва Тунис (Тунис) каби шаҳарлар тўлдириб турибди.
