Тошкентда Кичик автомобиль халқа йўлининг Тараққиёт кўчаси билан кесишувидаги йўл ўтказгич бўйлаб ҳаракат ҳар томондан вақтинчалик тўхтатилди.
Тараққиёт кўчасини кенгайтириш мақсадида тиргаклари кўчирилаётган йўл ўтказгичда олиб борилаётган реконструкция ишлари муносабати билан йўллар бекитилган.
Душанба куни Тошкент ҳокимиятида бўлиб ўтган брифингда хабар қилинишича, ҳаракат икки ҳафта ичида қайтадан йўлга қўйилиши лозим. Бунга қадар ҳайдовчилар мазкур қисмдан айланиб ўтишларига тўғри келади.
Ҳокимият ва пойтахт ЙҲХБ вакиллари шаҳарликлардан вақтинчалик ноқулайлик учун узр сўради.
