«Ўзбекнефтгаз» миллий холдинг компанияси бошқаруви раиси этиб шу пайтгача компания раҳбарининг биринчи ўринбосари бўлиб ишлаётган Алишер Султонов тайинланди, деб маълумот берди у ердаги манбалар.
Компания сайти хабарига кўра, Алишер Султонов (1967 йилда туғилган) 2013 йил ноябрь ойидан бери МХКда Прогнозлаш, ресурслар ва инвестиция дастурлари бош бошқармаси бошлиғи — бошқарув раисининг биринчи ўринбосари бўлиб ишлаб келган.
Ундан олдинроқ эса Ўзбекнефтгаз" МХКга қарашли Шўртан газ-кимё мажмуаси ва бошқа жойларда турли раҳбарлик лавозимларида хизмат қилган.
Миллий холдинг компаниясининг олдинги раиси Шокир Файзуллаев ушбу лавозимни 2010 йилдан бери эгаллаб турган эди. У иқтисодиёт вазири ўринбосари этиб тайинланди.
