Сиёсат
Мансабдор шахслар қандай автомобиль сотиб олиши аниқ белгилаб берилади
Ижтимоий тармоқларда вазирлик ва ҳокимиятлар томонидан қимматбаҳо автомобилларни харид қилиши кўплаб муҳокамаларга сабаб бўлди. Мазкур масала юзасидан қуйи палата депутатлари молия вазирига савол билан мурожаат қилишди. «Давлат идоралари раҳбар, ходимлари нима автомобиль олишини аниқ кўрсатиб қўйиш бўйича ҳукуматдан топшириқ олдик», — деди Тимур Ишметов.
Хасан Кабирджанов Мажбурий ижро бюроси директори этиб тайинланди
Шу кунга қадар директор в.б. бўлиб келаётган Хасан Кабирджанов Бош прокуратура ҳузуридаги Мажбурий ижро бюроси директори лавозимига тайинланди.
Суд ҳужжатларини ижро этиш тизими такомиллаштирилади
Ижро иши юритишни тўхтатиб туриш тўғрисида қарор қабул қилиш ваколати судлардан давлат ижрочисига ўтказилмоқда. Шунингдек, ССП ва Бизнес-омбудсманга тадбиркорларнинг қарзлари юзасидан ижрони кечиктириш ёки бўлиб-бўлиб ижро этиш тўғрисида мурожаат қилиш ҳуқуқи берилмоқда.
Президент COVID-19 шифохоналарини оптимизация қилиш бўйича топшириқ берди
Давлат раҳбари бугун ўтказилган видеоселектор йиғилишда мутасаддиларга коронавирусга ихтисослашган шифохоналарни оптимизация қилиш бўйича топшириқ берди. Шунингдек, президент матбуот хизмати COVID-19 шифохоналарида 6570 нафар бемор даволанаётганини қайд этди. ССВ эса 17 ноябрь ҳолатига мамлакатда 2123 нафар коронавирус бемори борлигини маълум қилган.
Ўзбекистон Афғонистонда темир йўлини қуриш учун АҚШ маблағларини жалб этади
«Мозори-Шариф — Қобул» темир йўли АҚШ Халқаро тараққиёт молия корпорацияси маблағлари эвазига қурилиши кўзда тутилган. Қурилиш ишлари келаси йилнинг сентябрь ойида бошланиши кутилмоқда. Ушбу лойиҳа Ўзбекистонга Покистон денгиз портларига чиқиш имкониятини беради.
Қишлоқ врачлик пункти — оилавий шифокор пункти этиб ўзгартирилади
Президент фармони билан 2021 йил 1 январдан бошлаб қишлоқ врачлик пункти — оилавий шифокор пункти деб, қишлоқ ва шаҳар оилавий поликлиникаси — оилавий поликлиника деб қайта номланади. ОТМни охирги 3 йилда тамомлаб, қишлоқ жойга ишлашга борганларга 30 млн сўм пул мукофоти берилади. Улар уй-жой билан ҳам таъминланади.
Геология соҳасида 50 фоиз вақт инвестиция билан шуғулланишга сарфланиши керак — президент
Шавкат Мирзиёев геология соҳасида 50 фоиз вақт инвестиция билан шуғулланишга сарфланиши кераклигини таъкидланди. Хорижий инвесторларни жалб қилиш учун ёндашувни ҳам ўзгартириш лозимлиги айтилди. Истиқболли майдонларни шакллантириш, уларни хорижий инвесторларга тақдим этиш, геологик қидирувлар ўтказиш бўйича топшириқлар берилди.
Янгиҳаёт туманига ҳоким тайинланди
Янгиҳаёт тумани Халқ депутатлари Кенгашининг навбатдан ташқари сессиясида Ҳаёт Иноғомов Янгиҳаёт тумани ҳокимлигига тасдиқланди. Шунингдек, Янгиҳаёт тумани прокурори лавозимини Азамат Азимов, Ички ишлар бўлими бошлиғи лавомини эса Мурат Раимов эгаллади.
«Менга қоровул бўладиган вазир керак эмас». Президент сув хўжалиги вазирини танқид қилди. Шуҳрат Ғаниев ҳам танбеҳ эшитди
Президент сув хўжалигини вазири Шавкат Хамраевни Қашқадарёдаги ирригация ва мелиорация ишлари ҳолати учун танқид қилди. Шавкат Мирзиёев унга вилоят сув хўжалиги раҳбарларини ишдан олиш ва ишлайдиган одамларни қўйиш бўйича топшириқ берди. Бош вазир ўринбосари Шуҳрат Ғаниев ҳам давлат раҳбаридан танбеҳ эшитди.
Сирдаёрда соғлиқни сақлашга оид иккита тажриба-синов ўтказилади
Сирдарё вилоятида соғлиқни сақлаш тизимининг янги модели ва давлат тиббий суғуртаси механизмлари бўйича тажриба-синов лойиҳаси ўтказилади. Оилавий шифокор, терапия ва педиатрия бўйича ёрдамчилар, ҳамшира ва доядан иборат гуруҳлар тузилади. Бепул тиббий хизматлар ва дори воситалари пакети ишлаб чиқилади. Давлат тиббий суғуртаси жамғармаси ташкил этилмоқда.
«Рўзиев шарманда қилган экан, энди билинаяпти». Президент — Қашқадарёнинг собиқ ҳокими ҳақида
«Жаноби Рўзиев шарманда қилган экан, энди билинаяпти ҳаммаси. Қашқадарё зўр, гази бор, деб юраверган эканмиз. Вилоят республика газининг 63 фоизини беради. Аммо одамларда газ йўқ, сув йўқ. Қани адолат?», — деди Шавкат Мирзиёев вилоятнинг собиқ ҳокими Зафар Рўзиев ҳақида.
Шавкат Мирзиёев Қирғизистон президенти в.б. билан телефон орқали мулоқот қилди
Ўзбекистон ва Қирғизистон президентлари телефон орқали мулоқот қилишди. Садир Жапаров «Қирғизистон учун қийин даврда» кўрсатган инсонпарварлик ёрдами учун Ўзбекистонга миннатдорчилик билдирди.
Боғчадан олий таълимгача — ўғил-қизларга жинсий тарбиядан таълим берилади
Сенат раиси Танзила Нарбаева жинсий тарбияни ёшликдан бошлаш зарурлигини таъкидлади. Жумладан, мактабгача таълимда ёшга мос қилиб, юқори синфлар ва олий таълимда йигит-қизларни оилага тайёрлаш, репродуктив саломатликка ўқитиш кераклиги айтилди. «Биз ёпганимиз сари интернет очиқ. У салбий оқибатларга олиб келаяпти», — деди юқори палата раиси.
10 ойда қарийб 8,5 минг хотин-қизга ҳимоя ордери берилди
10 ой мобайнида қарийб 8,5 минг хотин-қиз давлат ҳимоясига олинди. Улар орасида оилада отаси ёки онаси томонидан зўравонликка дуч келган қизлар ҳам бор. Шунингдек, ҳимоя ордери олиниши натижасида 418 та оила ажрашиб кетди.
Гулнора Каримова коронавирусга чалинмаган ва у ўз жазосини ўтамоқда — ИИВ ЖИЭББ
ИИВ Жазони ижро этиш бош бошқармаси Гулнора Каримованинг COVID-19`га чалинмаганини маълум қилди. Унинг ўз жонига қасд қилгани ҳақидаги гаплар ҳам асоссиз экани айтилмоқда. Шунингдек, Сенат раиси Танзила Нарбаева Гулнора Каримовага оид гап-сўзлар юзасидан ўз муносабатини билдириб, «Ҳозир гендер тенглиги ҳақида гапиряпмиз, аёлми, эркакми, жиноят қилса тенг жавоб бериши керак», — деди.
«Ўша даврда гендер тенглиги масаласи ҳақида гапира олмасдик» — Танзила Нарбаева
«Ўзбекистонда аёллар ва эркакларга тенг имкониятлар тўғрисидаги қонунни ишлаб чиқиш керак, деб неча йиллардан бери айтсак ҳам, бизнинг гапимизга ҳеч ким қулоқ солмаган. Ўша пайтлар шунақа давр эди» — Танзила Нарбаева Вазирлар Маҳкамасида ишлаган вақтида гендер тенглиги масаласига қандай ёндашув бўлганини сўзлаб берди.
Президент Шаҳрисабзда синтетик аралашмали ип ва мато ишлаб чиқариш жараёни билан танишди
Президент Шавкат Мирзиёев Қашқадарёга сафарини Шаҳрисабздаги Oqsaroy Vortex МЧЖда синтетик аралашмали ип ва мато ишлаб чиқариш жараёни билан танишишдан бошлади.
Янгиҳаёт тумани ҳокимлиги ташкил этилди
Президент қарори билан Тошкент шаҳри таркибида Янгиҳаёт тумани ҳокимлиги ташкил этилди.
Ўзбекистон ва Қозоғистон қирғиз халқига иқтисодий ва гуманитар ёрдам кўрсатади
Шавкат Мирзиёев Қозоғистон президенти Қасим-Жомарт Тоқаев билан телефон орқали мулоқот қилди. Давлат раҳбарлари икки томонлама муносабатлар, минтақавий ҳамкорлик ва қирғиз халқига иқтисодий ёрдам кўрсатиш масалаларини муҳокама қилишди.
Шавкат Мирзиёев Афғонистон Миллий ярашув олий кенгаши раисини қабул қилди
Шавкат Мирзиёев Ўзбекистонда амалий ташриф билан бўлиб турган Афғонистон Ислом Республикаси Миллий ярашув олий кенгаши раиси Абдулла Абдуллани қабул қилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг