Сиёсат
«Одамлар учун шаҳар, туман ва қишлоқлар орасида транспортни қулай, хавфсиз ва осон қилиш керак» — президент
Ўтган 10 ойда Халқ қабулхоналарига жамоат транспорти бўйича 3 мингдан ортиқ мурожаат келиб тушган. Ҳисоб-китобларга кўра, мамлакат бўйича кунига қарийб 20 млн йўловчидан бор-йўғи 4,4 млни ёки 22 фоизи жамоат транспортидан фойдаланмоқда. 1,2 мингта қишлоқ туман марказигача бўлган йўналишда жамоат транспорти билан қамраб олинмаган. Президент мазкур муаммоларни тизимли ҳал этиш юзасидан йиғилиш ўтказди.
Ўқитувчилар беш йил олдин имтиёзли пенсияга чиқиши мумкин — қонун лойиҳаси
«Педагог ходимнинг мақоми тўғрисида"ги қонун лойиҳаси муҳокамага қўйилди. Ҳужжат билан педагог ходимлар беш йил олдин имтиёзли пенсияга чиқиши мумкин этиб белгиланмоқда. Бундан ташқари, уларга 15 фоиздан 40 фоизгача кўп йиллик хизматлари учун устамалар тўлаш кўзда тутилган. Қолаверса, ўқитувчиларни юқумли касалликларга қарши бепул эмлаш белгиланиши мумкин.
Ҳайвонларга шафқатсиз муносабатда бўлганлар жиноий жавобгарликка тортилиши мумкин
Бош прокуратура ҳайвонларга шафқатсиз муносабатда бўлганларни жиноий жавобгарликка тортишни таклиф қилмоқда. Қонун қабул қилинса, бундай қилмишни содир этганлар ва жараённи видеога олиб, ижтимоий тармоқларда тарқатганлар 1 йилгача муддатга қамалиши мумкин.
АОКА ОАВнинг огоҳлантирилиши бўйича баёнот берди
АОКА Kun.uz ижтимоий тармоқлардаги айрим фойдаланувчиларининг турли шарҳлари, ҳақоратли фикрлари ва чақириқлари жамоатчилик фикри сифатида тақдим этилгани, «Газета.uz», Daryo.uz ва бошқалар эса коронавирус беморлари статистикаси шубҳа остига олингани ва расмий изоҳлар тақдим этилмагани учун огоҳлантирилганини маълум қилди.
«Бу менинг автомобилим, деган тушунча оддий ҳол бўлиб қолган» — Акмал Бурхонов хизмат машиналари ҳақида
Коррупцияга қарши курашиш агентлиги раҳбари Акмал Бурхонов давлат хизматчиларининг хизмат машиналаридан шахсий ва оилавий мақсадларда фойдаланиши одатий ҳолга айланганини таъкидлади. У ҳокимлар томонидан бюджет маблағлари ҳисобидан қиммат машиналарни сотиб олиш ҳолатлари оз эмас, ўнлаб юз берганини маълум қилди.
«Ҳеч қачон Ўзбекистон «Лукойл»дан қарз бўлмаган» — энергетика вазири
Энергетика вазири Алишер Султонов таъкидлашича, Ўзбекистон ҳеч қачон «Лукойл»дан қарз бўлмаган. У қарздор «Ўзбекнефтегаз» бўлганини, ҳозирги пайтда «Ўзтрансгаз» газ олганини айтди. «Ўшанинг учун бу иккита хўжалик субъектлари ўртасидаги муносабат» — деди вазир. Унинг ўринбосари Беҳзот Норматов Ўзбекистон «Лукойл» лойиҳаларида қанча даромад қилганини маълум қилди.
Депутатлар биринчи ўқишда қабул қилган 2021 йилги давлат бюджети қонунга зид бўлиб чиқди
Қонунчилик палатаси депутатлари биринчи ўқишда қабул қилган 2021 йилги давлат бюджети билан Вазирлар Маҳкамасига берилаётган ваколат қонунга зид бўлиб чиқмоқда. Ҳисоб палатаси янги қонун лойиҳаси Бюджет кодексига мувофиқ қайта кўриб чиқилиши лозимлигини қайд этди.
Сирдарё вилоятига янги прокурор тайинланди
Навоий вилояти прокурори лавозимида ишлаган Шохрух Аминов Сирдарё вилояти прокурори лавозимига тайинланди.
Бухоро, Жондор ва Сирдарё туман ҳокимлари лавозимидан озод этилиши мумкин
Президент раислигида бўлиб ўтган видеоселектор йиғилишида иш ўринлари ташкил этиш, тадбиркорлар муаммоларини ҳал қилиш ва уларни қўллаб-қувватлаш борасида ўзибўларчиликка йўл қўйган Бухоро, Жондор ва Сирдарё туман ҳокимларини лавозимидан озод этиш масаласи кўтарилди.
Трамп ҳокимиятни Байденга ўтказишга кўрсатма берди
АҚШ президенти Доналд Трамп ўз штабига ҳукуматни топшириш бўйича кўрсатма берганини айтди. GSA раҳбари Эмили Мёрфи Жо Байден штабига АҚШ маъмурияти унинг ғалабасини тан олишга тайёр эканлигини англатувчи мурожаат юборди.
Тошкентдаги тирбанд йўлларнинг бир қатори жамоат транспорти учун ажратилади
Президент Шавкат Мирзиёев Тошкентда тирбандлик кузатилаётган кўп қаторли йўлларнинг бир қисмини жамоат транспорти учун ажратиш, марказий кўчаларда паркоматлар ташкил этиш бўйича топшириқлар берди. Шу билан бирга, пиёдалар ва велосипедлар йўлакчаларини кўпайтириш муҳимлиги қайд этилди.
Абдулла Арипов Туркистонда Козоғистон бош вазири билан учрашди
Ўзбекистон бош вазири Абдулла Арипов Туркистонга ташриф буюриб, Қозоғистон ҳукумат раҳбари Асқар Мамин билан музокаралар ўтказди.
Ўзбекистон-АҚШ стратегик ҳамкорлиги мустаҳкамланади
Ташқи ишлар вазири Абдулазиз Камилов бошчилигидаги делегация Вашингтонда Ўзбекистон — АҚШ сиёсий маслаҳатлашувларининг саккизинчи раундида иштирок этди. Музокаралар якунида Стратегик шериклик мулоқотига айлантириш тўғрисида қарор қабул қилинди.
Чилонзорни комплекс ривожлантириш дастури ишлаб чиқилди
Тошкентнинг Чилонзор туманини комплекс ривожлантириш бўйича икки йиллик дастур ишлаб чиқилди. Президентнинг туманга ташрифи чоғида мазкур дастур муҳокама қилинди. Тадбиркорликни ривожлантириш, камбағалликни қисқартириш, йўл ва коммунал тармоқларни таъмирлаш, тиббиёт ва таълим соҳаларида янги ислоҳотларни жорий этиш бўйича вазифалар белгиланди.
ДХХ масъул ходими Бош прокуратура Кадрлар бошқармасига раҳбар бўлди
ДХХда масъул лавозимларда ишлаб келаётган Алижон Абдуллаев Бош прокуратуранинг Кадрлар бошқармаси бошлиғи лавозимга тайинланди.
Жонибек Яриев Мирзаобод тумани ҳокими этиб тайинланди
Сирдарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари котибияти мудири лавозимида фаолият юритиб келаётган Жонибек Яриев Мирзаобод тумани ҳокими лавозимига тайинланди.
Сенат никоҳланувчи ёшларни тиббий кўрикдан ўтказиш масаласи бўйича ҳукуматга сўров юбормоқчи
Сенат навбатдаги ялпи мажлисда никоҳланувчи ёшларни тиббий кўрикдан ўтказиш масаласи бўйича ҳукуматга сўров юбормоқчи. Вазирлар Маҳкамасининг бу борадаги қарори қабул қилинганига 17 йил тўлди. Сенат раиси диспансерлар ҳақида, — «Ҳисобда турмаса, касалмас деб ёзиб беради», — деган эди. Тизимни мониторинг қилувчи ягона ташкилотни белгилаш таклиф этилмоқда.
«Ўзбекистонда хизмат кўрсатган гидрометеоролог» унвони таъсис этилади
«Ўзбекистонда хизмат кўрсатган гидрометеоролог» унвонини таъсис этиш белгиланмоқда. Бундан ташқари, иккита Ўзгидромет бош директори лавозими жорий қилинади.
«Уч мингдан ортиқ мактабларда ошхонанинг ўзи йўқ» — Алишер Қодиров
Қонунчилик палатаси спикери ўринбосари Алишер Қодиров уч мингдан ортиқ мактабларда ошхонанинг ўзи йўқлиги, борининг ҳам 60 фоизга яқини талаб даражасида эмаслигини таъкидлади. «Фарзандларимизни физиологик-депрессив ҳолатини юзага келишини ҳисобга олсак, ўқитувчиларга бўлган муносабати кескинлашиши, мактабга жиноятни кириб келгани бу — албатта овқатланиш билан боғлиқ масала», — деди Алишер Қодиров.
Анвар Асамов инвестициялар ва ташқи савдо вазирига ўринбосар этиб тайинланди
Давлат божхона қўмитаси раисининг биринчи ўринбосари лавозимида фаолият юритиб келган Анвар Асамов инвестициялар ва ташқи савдо вазирининг ўринбосари этиб тайинланди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг