Жаҳон

3 ноябр 2021, 10:03

Сўнгги 14 йил ичида дунё бўйлаб 1200 дан ортиқ журналист ўлдирилган

2006 йилдан 2020 йилгача бўлган даврда дунё бўйлаб 1200 дан ортиқ журналист ўлдирилган. Бу қотилликларнинг ҳар 10 тасидан деярли 9 таси судда очилмаган. Ташкилот сўровида иштирок этган журналист аёлларнинг 73 фоизи ўз иши билан боғлиқ ҳолда интернет орқали таҳдид, қўрқитиш ва таъқибга учраб келаётганини айтган.

2 ноябр 2021, 21:51

Жаҳон янгиликлари дайжести

Кобулда шифохонадаги портлашларда 23 кишининг ҳалок бўлгани, 100 дан ортиқ дунё етакчиларининг 2030 йилгача ўрмонларни кесишни тўхтатишга ваъда бергани, Жанубий Суданда АН-26 самолёти қулаши натижасида 5 экипаж аъзоси, жумладан икки россияликнинг ҳалок бўлгани, Зеленскийнинг ва Қрим ва Донбасс шаҳарларини «Европа марказидаги экобомбалар» деб атагани ва бошқа янгиликлар — «Газета.uz»нинг жаҳон янгиликлари дайжестида.

2 ноябр 2021, 15:20

«Америка Афғонистонда қолдириб кетган ҳарбий техника — бутун дунё учун катта муаммо» — Дмитрий Шугаев

Россия Ҳарбий-техник ҳамкорлик федерал хизмати директори АҚШ Афғонистонда қолдириб кетган ҳарбий техника бутун дунё учун катта муаммо туғдириши мумкинлигини таъкидлади. Дмитрий Шугаевнинг сўзларига кўра, ушбу қурол-яроғлар экстремистларнинг қўлига тушиб қолиши ёки қора бозорга ҳам чиқиб кетиши мумкин.

2 ноябр 2021, 15:07

Facebook Қозоғистон ҳукуматига контентни белгилашга рухсат берганини рад этди

Facebook ижтимоий тармоғига эгалик қилувчи Meta Platforms Қозоғистон ҳукуматига ўзининг контент ҳисоботи тизимидан фойдаланиш имкониятини тақдим этгани ҳақидаги хабарни рад этди. Компания вакили таъкидлашича, «Meta Platforms Қозоғистон қўшма деб атаган баёнотни эълон қилмаган». Қозоғистон ахборот вазири эса баёнот компаниянинг минтақавий офиси раҳбарияти билан келишинганлигини таъкидлади.

2 ноябр 2021, 11:42 1

Россия Ўзбекистонга қирувчи самолётлар ва зирҳли транспортлар етказиб берди

Россия Ҳарбий-техник ҳамкорлик федерал хизмати директори Дмитрий Шугаевнинг таъкидлашича, 2021 йилда Россия Ўзбекистонга Су-30СМ қирувчи самолётлари, Ми-35М вертолётлари, Бук-М2Э зенит-ракета комплекслари, БТР-80 ва БТР-82А зирҳли транспортёрларини етказиб берган.

1 ноябр 2021, 22:44

Facebook Қозоғистон ҳукуматига зарарли контентни тўғридан-тўғри белгилашга рухсат беради

Meta Platforms Қозоғистон ҳукуматига ўзининг контент ҳақида ҳисобот тизимидан фойдаланиш имкониятини тақдим қилди. Бунга Қозоғистон ҳукуматининг миллионлаб маҳаллий фойдаланувчилар учун ижтимоий тармоқни блоклаб қўйиш билан таҳдид қилганлиги сабаб бўлган. Танқидчилар мамлакат ҳукуматини цензуранинг янги воситаларига эга бўлишга интилаётганликда айбламоқдалар.

1 ноябр 2021, 22:37

Жаҳон янгиликлари дайжести

COVID-19 қурбонлари сонининг 5 миллиондан ошгани, Токиода эркак кишининг ўлим жазосига ҳукм қилиниш учун метрода йўловчиларга ҳужум қилгани, Қирғизистон президенти Садир Жапаров самолётининг Буюк Британияга киритилмагани ва бошқа янгиликлар — «Газета.uz»нинг жаҳон янгиликлари дайжестида.

1 ноябр 2021, 17:37

Оксфорд луғати 2021 йил сўзини танлади

Оксфорд луғати 2021 йил сўзи деб «вакцина» ёки «вакцинация» маъносини берувчи vax сўзни танлади. «Бу йилги муҳитни яхшироқ акс эттирувчи сўз йўқ», — дея таъкидлади луғат тузувчилари.

1 ноябр 2021, 15:41

Москва маъмурияти қурилиш майдонларида меҳнат мигрантларидан воз кечиш режасини ишлаб чиқади

Москва мэрияси қурилиш майдончаларида меҳнат мигрантларидан воз кечиш режасини тайёрлайди. Шаҳар маъмурияти маълумотларига кўра, меҳнат ресурслари танқислиги 40%га яқинлашган. Россия пойтахти расмийлари қурилишга камроқ, лекин уч-тўрт марта кўпроқ иш ҳақи билан яхшироқ малакага эга мутахассисларни жалб қилмоқчи.

1 ноябр 2021, 10:13

Грузиядаги муниципал сайловларда ҳукмрон партиянинг деярли барча номзодлари ғалаба қозонди

Грузиянинг 20 та шаҳридан 19 тасида муниципал сайловларнинг иккинчи босқичида ҳукмрон партия номзодлари ғалаба қозонди. Мухолифат натижаларни тан олмади, «муросасиз кураш»га ваъда берди ва митинг эълон қилди.

1 ноябр 2021, 09:40

G20 етакчилари Ер юзида бир трлн дарахт экишни мақсад қилишди

G20 саммитига аъзо давлатлар «сайёранинг энг ёмонлашган экотизимларига алоҳида эътибор берган ҳолда» 2030 йилгача бир трлн дарахт экишни мақсад қилди. Римда бўлиб ўтган саммит доирасида имзоланган декларацияда бу ҳақда айтилмоқда.

29 октябр 2021, 22:10

Жаҳон янгиликлари дайжести

Жо Байденнинг Рим папаси билан учрашгани, Илон Маскинг инсониятни Марсга ўз ҳисобидан олиб бормоқчи экани, АҚШнинг Трамп сиёсатидан жабр чеккан мигрантларга 1 млрд доллардан пул тўламоқчилиги, Финляндияда газетанинг уч журналисти давлат сирларини ошкор қилишда айбланаётгани ва бошқа янгиликлар — «Газета.uz»нинг жаҳон янгиликлари дайжестида.

29 октябр 2021, 10:46

Facebook ўз номини Меtа`га ўзгартиради ва «метаолам» қуради

Facebook ўзининг номини Меtа`га ўзгартирганини ва одамлар мулоқот қилиши, жамоалар яратиши ва бизнесни ривожлантириши мумкин бўлган «метаолам» қуриш ҳақидаги режаларини эълон қилди.

27 октябр 2021, 21:16

Жаҳон янгиликлари дайжести

Жаҳон банкининг Суданга ёрдам беришни тўхтатгани, Telegram тез орада реклама платформасини ишга тушириши, Полша Европа Иттифоқи қонунларига амал қилмагани учун кунига 1 млн евродан жаримага тортилгани, Қирғизистонда қишлоқ хўжалиги вазирининг ҳозирги ва собиқ ўринбосарлари ҳибсга олингани ва бошқа янгиликлар — «Газета.uz»нинг жаҳон янгиликлари дайжестида.

27 октябр 2021, 18:23

Афғонистон Термиздан БМТ ёрдамининг олиб кирилишига ҳозирча рухсат бергани йўқ

БМТ Қочқинлар ишлари бўйича бошқармасининг инсонпарварлик ёрдами мамлакат ҳукуматининг уни олиб киришга рухсат бермагани сабабли ҳозирча Термиздан Афғонистонга етказилгани йўқ.

27 октябр 2021, 12:17 1

Илон Маск Forbes рейтинги тарихидаги энг бой одам бўлди

Tesla ва SpaceX асосчиси Илон Маск Forbes журнали дунёнинг энг бой одамлари рейтингини тузишни бошлагандан буён энг юқори кўрсаткичга эга бўлди. Унинг бойлиги рекорд даражадаги 271,3 млрд долларга етган.

27 октябр 2021, 11:39

Ангела Меркель ваколати расман якунланди

Германия федерал канцлери Ангела Меркель ваколати расман якунланди. Мамлакатда янги ҳукумат тузилгунга қадар Меркель мазкур вазифасини бажарувчи сифатида фаолият юритади.

26 октябр 2021, 21:45

Жаҳон янгиликлари дайжести

YouTube Бразилия президентини бир ҳафтага янги видео жойлаштириш имкониятидан маҳрум қилгани, Қозоғистон афғон аёлларининг парвози учун гуманитар транзит йўлаги ажратаётгани, Жанубий Кореянинг собиқ президенти Ро Дэ У 88 ёшида вафот этгани, Грецияда полиция анархист намойишчиларга қарши газдан фойдалангани ва бошқа янгиликлар — «Газета.uz»нинг жаҳон янгиликлари дайжестида.

26 октябр 2021, 15:20

Кобулда аёллар ўз ҳуқуқларини талаб қилиб, намойиш ўтказди

Афғонистон пойтахтида аёллар ўз ҳуқуқларини талаб қилиб, «БМТ сукунати — уят», «Аёллар — одам», «Биз очмиз» каби шиорлар билан намойиш ўтказди. Улар БМТни «Толибон»га аёллар ҳуқуқларини тан олиши учун босим ўтказишга чақирди.

26 октябр 2021, 10:03

Кобулда аҳолини буғдой эвазига иш билан таъминлаш дастури ишга туширилди — ОАВ

«Толибон» ҳукумати Кобул тепаликларида ариқлар қазишга аҳолини жалб қилиб, иш ҳақи сифатида буғдой тарқатишини маълум қилди. Дастур доирасида 40 мингдан ортиқ одам иш билан таъминланади ва келгуси икки ой ичида мазкур ташаббус бошқа вилоятларда ҳам жорий қилиниши режалаштирилган.

ЭНГ КЎП ЎҚИЛГАН ХАБАРЛАР


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг