Жаҳон

20 май 2020, 16:45

Кембриж университети вақтинча онлайн таълимга ўтади

Британиянинг Кембриж университети кейинги ўқув йилини ҳам тўлиқ онлайн шаклга ўтказишга қарор қилган дунёдаги биринчи олий таълим муассасаси бўлди.

20 май 2020, 13:48 1

Фаластин АҚШ ва Исроил билан тузилган барча келишувлардан чиқади

Фаластин президенти Исроил ҳукумати Фаластин ерларини ўзига қўшиб олмоқчи бўлгани учун Исроил ва АҚШ билан тузилган барча келишувлардан чиқилиши ҳақида эълон қилди.

19 май 2020, 19:16

Бишкекда жамоат транспорти қайтадан иш бошлайди

25 майдан Бишкекдаги жамоат транспорти ўз ишини қайтадан бошлайди. Йўловчилар масофа сақлашлари ва ниқоб кийишлари керак.

19 май 2020, 18:08

Россия бош вазири Михаил Мишустин коронавирусдан соғайди

Россия бош вазири Михаил Мишустин коронавирус инфекциясидан бутунлай соғайиб, ҳукумат бошқарувига қайтди.

19 май 2020, 14:32

ЖССТ дезинфекцияловчи воситаларни кўчаларга сепмасликни тавсия қилди

Дезинфекцияловчи воситаларни кўча ва ёпиқ биноларга сепиш коронавирусга қарши курашда самарасиз, деб ҳисобламоқда ЖССТ. Аксинча, бундай амалиёт кўз, нафас олиш органлари ва терига салбий таъсир кўрсатиши мумкин.

18 май 2020, 17:43

Хитой коронавирусдан зарар кўрган давлатларга $2 млрд ажратади

Яқин икки йил ичида Хитой коронавирусдан қаттиқ зарар кўрган давлатларга, биринчи навбатда ривожланаётган мамлакатларга, ёрдам сифатида 2 млрд доллар ажратишини маълум қилди. Шунингдек, Хитой «Катта йигирматалик» (G-20) томонидан қашшоқ давлатларнинг қарзларини тўлашга мораторий жорий этиш ғоясини илгари суришини айтди.

18 май 2020, 10:39

Афғонистонда сиёсий инқирозга барҳам берилди

Афғонистонда сиёсий инқирозга президент Ашраф Ғани ва унинг сиёсий рақиби Абдуллоҳ Абдуллоҳ келишуви билан барҳам берилди. Унга кўра, Ашраф Ғани президент мақомини сақлаб қолади ва Абдуллоҳ Абдуллоҳ эса Афғонистон Олий миллий ярашув кенгаши раиси бўлади. Шунингдек, собиқ вице-президент генерал Абдулрашид Дўстумга маршал унвони берилиши келишилган.

16 май 2020, 16:49

Италия 3 июндан чегараларни очади

Италия ҳукумати 3 июндан бошлаб мамлакатнинг бир вилоятидан иккинчисига ўтишга рухсат беради. Шу билан бирга, 18 май кунидан битта вилоят ичида саёҳат чекловлари бекор қилинади. Маҳаллий ҳокимларга ижтимоий масофаланиш тадбирини амалга ошириб бўлмайдиган ҳудудларни вақтинча ёпиб кўйиш ваколати берилади.

15 май 2020, 16:58

Тожикистонда коронавирусга чалинганлар сони 907 кишига етди

Тожикистонда коронавирус ҳолатлари сони бир кунда 106 тага ошиб, жами 907 тага етди. Шу вақтга қадар 29 та ўлим қайд этилди.

15 май 2020, 16:39

Словения мамлакатда COVID-19 эпидемияси тугаганини эълон қилди

Словения Европада биринчи бўлиб мамлакатда коронавирус эпидемияси якунига етганини эълон қилди. Фуқаролар Австрия, Италия ва Венгрия ҳудудидан чегарани кесиб ўтишлари мумкин, мамлакатда савдо марказлари, кафе ва меҳонхоналар очилади.

15 май 2020, 12:56

Литва, Латвия ва Эстония бир-бирига чегараларини очди

Болтиқбўйи давлатлари бир-бирига чегараларини қайтадан очди. Бироқ Эстония, Латвия ва Литва ташқарисидан келган саёҳатчилар икки ҳафтани карантинда ўтказишлари керак.

15 май 2020, 11:57

БМТ: Коронавирус сабабли жаҳон иқтисодиёти 8,5 трлн доллар йўқотади

COVID-19 пандемияси сабабли дунё иқтисодиёти 8,5 трлн доллар йўқотиши (3,2 фоизга қисқариш) прогноз қилинмоқда. Бунда, ривожланган мамлакатларнинг ЯИМ 5 фоизга, ривожланаётганларда эса 0,7 фоиз пасаяди. Бу 1930 йиллардаги «Буюк Депрессия»дан кейинги кескин иқтисодий инқирозни англатади, дейилади БМТнинг иқтисодий ҳисоботида.

14 май 2020, 18:08

Жаҳон банки Марказий Осиёга 370 млн доллар ажратди, асосий қисми Ўзбекистонга

Жаҳон банки коронавирусга қарши кураш доирасидаги чора-тадбирларни қўллаб-қувватлаш мақсадида Марказий Осиё давлатларига 370 млн доллар ажратди. Шундан Ўзбекистонга давлат бюджетини қўллаб-қувватлаш учун 200 млн, соғлиқни сақлаш миллий тизимини яхшилаш ва кам таъминланган аҳолини қўллаб-қувватлаш мақсадида 95 млн, ҳамда тезкор тиббий ёрдам тизимини ислоҳ қилишга 17 млн доллар тақдим этилган.

13 май 2020, 13:15

Twitter ходимлари бир умр уйдан туриб ишлашлари мумкин

Twitter ходимлари коронавирус сабабли ўрнатилган карантин чекловлари олиб ташлангандан кейин ҳам уйда қолиб ишлашлари мумкин.

13 май 2020, 12:08

Ухань шаҳри аҳолиси 10 кун ичида коронавирусга қайта текширилади

Хитойнинг Ухань шаҳрида короновирус беморлари аниқланганлиги сабабли, шаҳар маъмурияти Уханнинг барча 11 млн аҳолисини коронавирус инфекциясига қайта текширишга буюрди. Таҳлилларни 10 кун ичида ўтказиш режалаштирилган.

12 май 2020, 17:38

Россия президентининг матбуот котиби коронавирусга чалинди

Россия президентининг матбуот котиби Дмитрий Песковда коронавирус инфекцияси аниқланди.

11 май 2020, 13:11

Жанубий Корея, Хитой ва Германияда коронавирус тарқалиши яна жонланди

Аввалроқ карантин чораларини юмшатган Жанубий Корея, Хитой ва Германияда коронавирус билан касалланиш ҳолатлари сони ошгани қайд этилди. Дунё бўйича COVID-19 ҳолатлари сони 4 миллиондан ошди.

11 май 2020, 12:18

АҚШда ишсизлик «Буюк Депрессия» даражасига етиши тахмин қилинмоқда

АҚШда ишсизлик даражаси 1930 йиллардаги «Буюк Депрессия» давридан бери энг юқори кўрсаткичга етмоқда — 14,7 фоиз. Дональд Трампнинг икки юқори даражали иқтисодий маслаҳатчилари АҚШда коронавирус пандемияси давом этаверган ҳолда ишсизлик даражаси кўтарилаши ва июнь ойида ишсизлик кўрсатгичи 20 фоизгача юқорилаши мумкинлигини маълум қилишди.

8 май 2020, 16:29

АҚШ Сардоба сув омбори фалокатидан азият чеккан оилаларга ёрдам беради

АҚШ ҳукумати Сардоба сув омбори ўпирилишининг оқибатларини бартараф этиш учун 100 минг доллар ажратади. Ушбу маблағ сув омбори ўпирилиши натижасида ўз уйларидан кўчирилган муҳтож оилаларга озиқ-овқат ва бошқа зарур воситаларни тарқатиш учун Ўзбекистонга мазкур инқироздан қутулиш ва қайта тикланишда ёрдам беришга йўналтирилади.

8 май 2020, 14:48

Павел Дуров АҚШга кўчиб ўтмасликнинг 7 сабабини санади

Павел Дуров IT-тадбиркорлар учун АҚШ энг яхши жой деб ҳисобламаслигини маълум қилди. Telegram асосчиси бунинг 7 та сабабини санади. Дуров бу масаладаги фикрлари билан ўртоқлашишга Юрий Дуднинг Кремний (Силикон) водийсидаги ҳаёт ва иш тарзи тўғрисидаги фильми туртки бўлганини айтиб ўтди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг