Жаҳон
Трампга иккинчи маротаба импичмент эълон қилинди
АҚШ Вакиллар палатаси АҚШ ҳукуматига қарши «исён қўзғатгани» учун Доналд Трампга импичмент эълон қилди. У АҚШнинг икки марта импичмент эълон қилинган биринчи президентига айланди.
Суд Жанубий Корея собиқ президентининг ҳукмини ўз кучида қолдирди
Жанубий Корея Олий суди коррупция ва мансаб ваколатларини суиистеъмол қилишда айбланган собиқ президент Пак Кын Хенинг ҳукмини ўз кучида қолдирди. У 22 йилни қамоқда ўтказади.
Брюсселда мигрантнинг ўлими оқибатида юзага келган тартибсизликларда 100 дан ортиқ киши қўлга олинди
Гвинеялик мигрантнинг Брюссель полицияси томонидан ҳибсга олинганидан сўнг бир соат ўтиб вафот этиши оқибатида шаҳарда намойишлар бошланди. Юзага келган тартибсизликлар оқибатида 112 киши ҳибсга олинди, 6 киши жароҳат олди.
ЖССТ экспертлари коронавируснинг келиб чиқишини аниқлаш учун Вухан шаҳрига келишди
ЖССТ экспертлари коронавируснинг келиб чиқишини текшириш учун Хитойнинг Вухан шаҳрига келиб қўнишди. 2019 йил декабрида айнан ушбу шаҳарда илк бор COVID-19 инфекциясининг тарқалиши кузатилган.
Минглаб АҚШ ҳарбийлари Капитолийни қўриқламоқда (фото)
АҚШда 13 январь куни бўлиб ўтган Дональд Трамга импичмент эълон қилиниши жараёни пайтида Конгресс биносида хавфсизликни таъминлаш учун минглаб ҳарбийлар жалб этилди.
Bitcoin эгаларининг 20 фоизи ўз ҳамёнларининг калит сўзини унутиб қўйгани маълум бўлди
Chainalysis статистик маълумотларга кўра, биткоин эгаларининг тахминан 20 фоизи ўз ҳамёнларининг калит сўзларини унутишган, бу эса тахминан 140 млрд доллар демакдир. Ҳамёнга кириш учун ўнта уриниш берилади, акс ҳолда барча маблағлар йўқолади.
Жаҳон янгиликлари дайжести
Эстония ҳукуматининг истеъфоси, AҚШ вице-президентининг Трампни ҳокимиятдан четлатишдан бош тортгани, Германияда коронавируснинг Жанубий Aфрика штамми топилгани ва бошқа янгиликлар — «Газета.uz» жаҳон янгиликлари дайжестида.
Алексей Навалний 17 январь куни Москвага қайтаётганини маълум қилди
Мухолифатчи Алексей Навалний 17 январь куни Россияга қайтаётгани ҳақида маълум қилди. У августдаги захарланишдан сўнг Германияда даволанаётган эди. Айни дамда эса Россияда Навалнийга нисбатан фирибгарлик учун жиноий иш қўзғатилган.
АҚШда сўнгги 70 йил ичида илк бор аёл кишига ўлим жазоси ижро қилинди
АҚШда федерал ҳукумат қарорига кўра 1953 йилдан бери илк бор аёл киши қатл этилди. Жазо танага ўлим инъекциясини юбориш орқали амалга оширилган.
Telegram фойдаланувчилари сони 500 миллиондан ошди
Cўнгги 3 куннинг ўзида Telegram орқали бутун дунё бўйлаб 25 млн фойдаланувчи рўйхатдан ўтди ва фаол фойдаланувчилари сони 500 миллиондан ошди
ОАВ: Ўзбекистон электр станцияларидаги муаммолар туфайли Афғонистонда электр тақчиллиги юз берди
Ўзбекистон электр станцияларидаги «техник муаммолар» туфайли Афғонистонга етказиб берилаётган энергия қуввати 450 МВтдан 300 МВтгача тушиб кетди. Афғон ОАВлари бунинг натижасида Қобулнинг катта қисмида электр тақчиллиги юзага келганини айтмоқда. Ҳозирда қувват 400 МВтгача тикланди. Энергетика вазирлиги шартномада келишилган қувватнинг 85 фоизи миқдорида етказилаётганини тасдиқлади.
Россия, Арманистон ва Озарбайжон раҳбарлари ўртасида Тоғли Қорабоғ бўйича учрашув бўлиб ўтди
Москва шаҳрида Россия, Арманистон ва Озарбайжон раҳбарлари ўртасида бўлиб ўтган учрашувда ҳукумат аъзоларидан иборат бўлган ишчи гуруҳи тузишга келишилди.
Арманистонда карантин чекловлари 6 ойга узайтирилди
Арманистон ҳукумати коронавируснинг тарқалиши туфайли карантин чораларини ярим йилга узайтиришни қарор қилди. Ушбу қарор билан бирга оммавий тадбирларда 60 нафаргача иштирокчиларга рухсат берилгани бўйича чекловлар олиб ташланди.
Қозоғистондаги парламент сайловларида Nur Otan партияси ғолиб бўлди
Парламент сайловларида Қозоғистондаги ҳукмрон партия Nur Otan 71,09% сайловчилар овози билан ғолиб бўлди.
Жанубий Корея фуқаролари Covid-19га қарши бепул эмланади
Жанубий Корея президенти Мун Чже Ин мамлакатнинг барча фуқаролари коронавирусга қарши бепул эмланишини маълум қилди.
Садир Жапаров Қирғизистон президент сайловларида етакчилик қилмоқда
Қирғизистондаги навбатдан ташқари президентлик сайловларида Содир Жапаров деярли 80 фоиз овоз билан етакчилик қилмоқда. Бир вақтнинг ўзида ўтказилган референдумда сайловчиларнинг 81 фоиздан кўпроғи мамлакатдаги президентлик бошқарув шакли учун овоз берди.
Индонезия Boeing 737 қулашининг тахминий сабабини маълум қилди
10 январда авиаҳалокатга учраган Индонезия Boeing 737−500 самолёти кучли турбулентликка деч келиши натижасида қулаб тушган бўлиши мумкин, дея тахмин қилинмоқда. Ҳалокат ҳудудида минус 70 даражали ёмғир булутлари кузатилган.
Покистон тиббий комиссияси 6 та ўзбек ОТМларини қора рўйхатга киритди, покистонлик талабалар бунга қарши
Исломобод шаҳрида икки мингга яқин шифокорлар ва талабалар икки кун давомида Ўзбекистон ва Қирғизистон университетлари дипломларини тан олишни талаб қилиб намойишлар уюштиришди.
Трамп ўз мағлубиятини тўлиқ тан олди
Доналд Трамп сайловлар натижаларини қайта кўриб чиқилишига эриша олмаганини тан олди ва асосий эътиборини ҳукуматни Жо Байденга опширишга қаратишини таъкидлади. У Конгресс биносига ҳужум уюштирганларни қоралаб, айбдорлар қонун олдида жавоб беришини таъкидлади.
Лондон суди Жулиан Ассанжни гаров эвазига озод қилишдан бош тортди
Лондон суди WikiLeaks асосчиси Жулиан Ассанжни гаров эвазига озодни қилишдан бош тортди. Судья у озод қилинган тақдирда, қочишга уриниши мумкин деб ҳисобламоқда.
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг