Жаҳон

15 март 2022, 13:37

Марказий Осиё президентлари лавозимга сайланган вақтда неча ёшда бўлган?

Туркманистон президенти этиб сайланган 40 ёшли Сердар Бердимуҳаммедов Марказий Осиё тарихидаги энг ёш президентга айланди. Шу пайтгача ушбу рекорд 42 ёшида Тожикистон президенти бўлган Эмомали Раҳмонга тегишли эди. «Газета.uz» Марказий Осиё президентлари лавозимга сайланган вақтда неча ёшда бўлгани ва неча йил давомида раҳбарлик қилгани ҳақидаги маълумотларни тўплади.

15 март 2022, 12:11

Сердар Бердимуҳамедов — Туркманистоннинг янги президенти

Туркманистонда бўлиб ўтган президентлик сайлови якунлари эълон қилинди. Унга кўра, мамлакатнинг амалдаги раҳбари Гурбангули Бердимуҳамедовнинг ўғли Сердар Бердимуҳаммедов 72,9 фоиз овоз билан президентликка сайланди.

14 март 2022, 12:28

«Январь воқеалари оқибатида 230 киши ҳалок бўлди» — Қозоғистон бош прокурори

Қозоғистон бош прокурори январь воқеалари вақтида жами 230 киши ҳалок бўлгани, шундан 19 нафари ҳарбийлар эканини маълум қилди. Унинг сўзларига кўра, вафот этганларнинг энг кўпи Олмаота шаҳрига (139 киши) тўғри келмоқда. 20 нафар фуқаро эса тасодифан отишмалар оқибатида ҳалок бўлган. Тартибсизликларга Қозоғистон МХҚнинг собиқ раиси ва собиқ мудофаа вазири ҳам алоқадорлиги айтилмоқда.

12 март 2022, 14:03

«Тарихий сайлов». Гурбангули Бердимуҳаммедов — Туркманистон президенти сайловларида овоз берди

Шанба куни Туркманистонда навбатдан ташқари президентлик сайловлари бўлиб ўтмоқда. Унда амалдаги президент Гурбангули Бердимуҳаммедов ҳам овоз бериб, сайловни тарихий деб атади. Сайловларда 3 нафар партиялар номзоди, 6 нафар мустақил номзод иштирок этмоқда. Тушга қадар сайловчиларнинг 71,9 фоизи овоз бериш жараёнларида қатнашди.

11 март 2022, 23:00

АҚШ доллар банкноталарини Россияга етказиб беришни тақиқлади

АҚШ навбатдаги санкциялар доирасида Россияга доллар банкноталарини етказиб беришни тақиқлади. Қолаверса, автомобиль, кийим-кечак ва заргарлик буюмлари экспорти чекланди. Бундан ташқари, Россиядан икра, денгиз маҳсулотлари ва спиртли ичимликлар, шунингдек, бриллиант ва олмослар импортига ҳам тақиқ қўйилди.

11 март 2022, 20:04

Россиядаги ўзбекистонликлар қайси хизматлар орқали уйга пул юборишлари мумкин?

Россияда Visa ва Mastercard тўлов тизимлари ҳамда Western Union платформаси ўз фаолиятини тўхтатди. Россиядаги ўзбекистонликлар ватанга пул юбориш учун ҳозирда қайси хизматлардан фойдаланишлари мумкин? «Газета.uz» ушбу масала юзасидан бир нечта банклардан изоҳ олди.

11 март 2022, 18:11

Уруш пайтида янгиликлар оқимида чўкиб кетмаслик бўйича тавсиялар

Ишончли муаллифларни ўқиш, қарама-қарши тараф билан баҳслашмаслик, ахборот-детокс қилиш — асли россиялик Марк Новиков уруш пайти ахборот маконида одамлар ўзини қандай тутиши кераклиги ҳақида ўз тавсиялари билан бўлишди.

11 март 2022, 10:48

Украина икки ҳафтада 100 миллиард долларлик зарар кўрди — Украина президенти маслаҳатчиси

Украина Россиянинг ҳарбий операцияси сабаб икки ҳафта ичида 100 млрд долларлик зарар кўрганлиги айтилди, бу мамлакат ЯИМнинг ярмига тенг. Уруш сабаб Украинадаги корхоналарнинг 50% фаолиятини тўлиқ тўхтатган.

11 март 2022, 10:16

Air Astana Россияга авиақатновларни тўлиқ тўхтатди

Қозоғистоннинг Air Astana авиакомпанияси Россияга амалга ошириладиган парвозлар тўлиқ тўхтатилганини маълум қилди.

10 март 2022, 23:17

Россияда бизнес вакилларига $5000 дан ортиқ пул ечиш тақиқланди

Россия Марказий банки янги валюта чекловларини жорий қилди. 10 сентябрга қадар бизнес вакилларига 5 минг доллар ёки шу миқдор эквивалентидаги евро, япон иени ва фунт стерлингда пул ечиш тақиқланади. Хорижий компаниялар ёки тадбиркорлар эса ушбу валюталарни умуман ечиб ололмайди.

10 март 2022, 16:18

Тожикистон-Қирғизистон чегарасида отишма содир бўлди

Тожикистон-Қирғизистон чегарасида икки давлат чегарачилари ўртасида 10 дақиқалик отишма юзага келди. Бунинг оқибатида Тожикистон томонидан бир чегарачи ҳалок бўлди, икки нафари яраланди.

10 март 2022, 15:41

Қозоғистон МХК собиқ раҳбарининг уйидан 17,2 млн доллар нақд пул ва олтин қуймалар топилди

Қозоғистон Миллий хавфсизлик қўмитасининг собиқ раҳбари Карим Масимовга тегишли бир нечта квартира ва қаср, 17,2 млн доллар нақд пул, олтин қуймалар, 11 та қимматбаҳо автомобиль ва бошқалар мусодара қилинди. У 2 млн доллар миқдорида пора олганликда ҳам гумон қилинмоқда.

10 март 2022, 15:36

«Коронавирус пандемияси тугашига ҳали анча бор» — ЖССТ раҳбари

ЖССТ раҳбари коронавирус пандемияси расман эълон қилинган кундан бери 6 млндан кўпроқ инсон вафот этганини маълум қилди. У касалланиш ва ўлим ҳолатлари камайиб бораётгани пандемия тугаганини англатмаслигини қайд этди. «Пандемия тугашига ҳали анча бор ва у ҳамма жойда тугамагунча ҳеч қаерда якунланмайди», — деди Тедрос Гебрейесус. Қолаверса, Европада «дельтакрон» штамми пайдо бўлди.

10 март 2022, 07:30

Жанубий Кореяда янги президент сайланди

Жанубий Кореяда мухолифатдаги Фуқаролик кучлари партиясидан номзод, собиқ бош прокурор Юн Сок Ёл мамлакатнинг янги президенти этиб сайланди.

9 март 2022, 16:01

Fitch Россиянинг узоқ муддатли рейтингини «С» даражасига қадар пасайтирди

Fitch агентлиги Россиянинг суверен кредит рейтингини «B» дан «С» гача, яъни «дефолт бўлиши муқаррар» даражасига қадар пасайтирди. Компания рейтингни 27 майда қайта кўриб чиқишни мўлжаллаган эди, бироқ мамлакатдаги ҳодисалар сабабли режадан четга чиқишга қарор қилинди. Morgan Stanley таҳлилчилари Россияда апрель ўрталаридаёқ дефолт бошланишини кутишмоқда.

9 март 2022, 12:09

Европа Россия газисиз яшай оладими?

22 февраль куни Германия канцлери Олаф Шольц «Шимолий оқим-2» лойиҳасининг сертификациясини тўхтатди. Кўп ўтмай АҚШ ушбу лойиҳа операторига қарши чекловлар қўйгани маълум қилинди. 24 февраль куни Россия Украинада «махсус ҳарбий операция» эълон қилганлиги ортидан эса газ нархлари кескин ошишни бошлади. Айни вазиятда Европа ва Россиянинг энергетика соҳасидаги кўплаб мутахассислари Европанинг Россия газисиз яшай олиш имкониятини таҳлил қилишмоқда.

9 март 2022, 12:09

АҚШ ва Буюк Британия Россиядан энерготашувчилар импортини тақиқлади

АҚШ президенти Жо Байден Россиядан нефть, газ ва кўмир импорти тақиқланганини маълум қилди. Уран импорти эса давом этади. Шунингдек, Британия ҳам 2022 йил охирига бориб Россия нефтини импорт қилишни тўхтатади. Ушбу қарорлар ортидан дунёда энерготашувчилар нархларида жиддий ўсишлар кузатилди.

9 март 2022, 11:17

Россияда нақд валюта сотиб олиш тақиқланди

Россия Марказий банки 9 сентябрга қадар фуқароларга нақд валюта сотишни тақиқлади. Россияликлар банклардаги ҳисоб-рақамларидан 6 ой давомида 10 минг доллардан ортиқ валюта еча олишмайди. Ундан ортиғи фақат рублда берилади.

9 март 2022, 10:30

Тожикистон Ўзбекистоннинг ковид-сертификатларини расман тан олди

15 мартдан бошлаб Тожикистон-Ўзбекистон давлат чегарасидаги назорат-ўтказиш пунктлари фаолияти одатдаги иш режимига ўтказилмоқда. Тожикистон ҳукумати МДҲ давлатлари, шу жумладан Ўзбекистон томонидан берилган коронавирусга қарши эмланганлик тўғрисидаги сертификатларни расман тан олишни бошлади.

9 март 2022, 02:20

Яшил iPhone 13, iPhone SE ва энг кучли компьютер — Apple ўзининг янги маҳсулотларини тақдим қилди

Apple компанияси iPhone SE, iPad Air ва бошқа янги маҳсулотлари тақдимотини ўтказди. Янгиланган iPhone SE смартфони энди A15 Bionic процессорига эга. Тақдим этилган янги iPad Air эса MacBook компьютерларида ўрнатилган М1 процессорига эга бўлди. Шунингдек, компания ўзининг барча компьютерларидан кучлироқ деб ҳисоблайдиган MacStudio`ни ҳам намойиш қилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг