Жаҳон

13 январ 2021, 17:50

Алексей Навалний 17 январь куни Москвага қайтаётганини маълум қилди

Мухолифатчи Алексей Навалний 17 январь куни Россияга қайтаётгани ҳақида маълум қилди. У августдаги захарланишдан сўнг Германияда даволанаётган эди. Айни дамда эса Россияда Навалнийга нисбатан фирибгарлик учун жиноий иш қўзғатилган.

13 январ 2021, 15:52

АҚШда сўнгги 70 йил ичида илк бор аёл кишига ўлим жазоси ижро қилинди

АҚШда федерал ҳукумат қарорига кўра 1953 йилдан бери илк бор аёл киши қатл этилди. Жазо танага ўлим инъекциясини юбориш орқали амалга оширилган.

13 январ 2021, 13:58

Telegram фойдаланувчилари сони 500 миллиондан ошди

Cўнгги 3 куннинг ўзида Telegram орқали бутун дунё бўйлаб 25 млн фойдаланувчи рўйхатдан ўтди ва фаол фойдаланувчилари сони 500 миллиондан ошди

13 январ 2021, 09:42

ОАВ: Ўзбекистон электр станцияларидаги муаммолар туфайли Афғонистонда электр тақчиллиги юз берди

Ўзбекистон электр станцияларидаги «техник муаммолар» туфайли Афғонистонга етказиб берилаётган энергия қуввати 450 МВтдан 300 МВтгача тушиб кетди. Афғон ОАВлари бунинг натижасида Қобулнинг катта қисмида электр тақчиллиги юзага келганини айтмоқда. Ҳозирда қувват 400 МВтгача тикланди. Энергетика вазирлиги шартномада келишилган қувватнинг 85 фоизи миқдорида етказилаётганини тасдиқлади.

12 январ 2021, 12:27

Россия, Арманистон ва Озарбайжон раҳбарлари ўртасида Тоғли Қорабоғ бўйича учрашув бўлиб ўтди

Москва шаҳрида Россия, Арманистон ва Озарбайжон раҳбарлари ўртасида бўлиб ўтган учрашувда ҳукумат аъзоларидан иборат бўлган ишчи гуруҳи тузишга келишилди.

12 январ 2021, 11:05

Арманистонда карантин чекловлари 6 ойга узайтирилди

Арманистон ҳукумати коронавируснинг тарқалиши туфайли карантин чораларини ярим йилга узайтиришни қарор қилди. Ушбу қарор билан бирга оммавий тадбирларда 60 нафаргача иштирокчиларга рухсат берилгани бўйича чекловлар олиб ташланди.

11 январ 2021, 16:39

Қозоғистондаги парламент сайловларида Nur Otan партияси ғолиб бўлди

Парламент сайловларида Қозоғистондаги ҳукмрон партия Nur Otan 71,09% сайловчилар овози билан ғолиб бўлди.

11 январ 2021, 13:04

Жанубий Корея фуқаролари Covid-19га қарши бепул эмланади

Жанубий Корея президенти Мун Чже Ин мамлакатнинг барча фуқаролари коронавирусга қарши бепул эмланишини маълум қилди.

11 январ 2021, 11:33

Садир Жапаров Қирғизистон президент сайловларида етакчилик қилмоқда

Қирғизистондаги навбатдан ташқари президентлик сайловларида Содир Жапаров деярли 80 фоиз овоз билан етакчилик қилмоқда. Бир вақтнинг ўзида ўтказилган референдумда сайловчиларнинг 81 фоиздан кўпроғи мамлакатдаги президентлик бошқарув шакли учун овоз берди.

11 январ 2021, 10:03

Индонезия Boeing 737 қулашининг тахминий сабабини маълум қилди

10 январда авиаҳалокатга учраган Индонезия Boeing 737−500 самолёти кучли турбулентликка деч келиши натижасида қулаб тушган бўлиши мумкин, дея тахмин қилинмоқда. Ҳалокат ҳудудида минус 70 даражали ёмғир булутлари кузатилган.

8 январ 2021, 17:58

Покистон тиббий комиссияси 6 та ўзбек ОТМларини қора рўйхатга киритди, покистонлик талабалар бунга қарши

Исломобод шаҳрида икки мингга яқин шифокорлар ва талабалар икки кун давомида Ўзбекистон ва Қирғизистон университетлари дипломларини тан олишни талаб қилиб намойишлар уюштиришди.

8 январ 2021, 12:14

Трамп ўз мағлубиятини тўлиқ тан олди

Доналд Трамп сайловлар натижаларини қайта кўриб чиқилишига эриша олмаганини тан олди ва асосий эътиборини ҳукуматни Жо Байденга опширишга қаратишини таъкидлади. У Конгресс биносига ҳужум уюштирганларни қоралаб, айбдорлар қонун олдида жавоб беришини таъкидлади.

7 январ 2021, 16:05

Лондон суди Жулиан Ассанжни гаров эвазига озод қилишдан бош тортди

Лондон суди WikiLeaks асосчиси Жулиан Ассанжни гаров эвазига озодни қилишдан бош тортди. Судья у озод қилинган тақдирда, қочишга уриниши мумкин деб ҳисобламоқда.

7 январ 2021, 14:44

Токиода фавқулодда ҳолат жорий этилди

COVID-19 нинг тарқалаши сабабли Япония пойтахти Токиода 8 январдан бошлаб фавқулодда ҳолат эълон қилинди. Овқатланиш жойларига чекловлар белгилаш, ходимларни масовафий иш тартибига ўтказиш ва оммавий тадбирларни бекор қилиш режалаштирилмоқда.

7 январ 2021, 14:39

Конгресс Жо Байденни АҚШ президенти сифатида тасдиқлади

АҚШ Конгресси Жо Байденни қўшма штатлар президенти этиб сайланганини расман тасдиқлади. Тарафдорлари АҚШ Конгресси биносига бостириб кирган Дональд Трапм ҳокимиятни «батартиб» ҳолда топширишни ваъда берди.

7 январ 2021, 12:38

Жоржиядаги Сенат сайловларида демократлар ғалаба қозонмоқда

АҚШнинг Жоржия штатида демократлар вакиллари Жон Оссофф ва Рафаэл Уорнок Сенатдаги ўринлар учун сайловда устун келишмоқда. Ушбу ғалаба демократлар партиясига вице-президент ҳисобига Сенатда назорат ўрнатиш имкониятини беради.

7 январ 2021, 11:49

Қозоғистон ва Қирғизистон электр узилишларини Ўзбекистон электр тизимидаги муаммолар билан изоҳлади

Қозоғистон жанубида ва Қирғизистоннинг айрим ҳудудларида электр энергиясидан узилишлар кузатилди. Иккала мамлакат ҳам Ўзбекистондаги энергия тизимидаги муаммоларга ишора қилмоқда. Аввалроқ Ўзбекистон Энергетика вазирлиги минтақанинг ягона энергия тизимидаги электр узатиш линияларидаги узилишлар ҳақида хабар берган эди.

7 январ 2021, 10:20

Трамп тарафдорлари АҚШ Конгресси биносига бостириб киришди — асосий воқеалар

Жо Байденнинг АҚШ Конгрессидаги ғалабасини тасдиқлаш йиғилишида Трамп тарафдорлари бинога бостириб киришди. Тартибсизлик ва отишма натижасида бир киши вафот этди, бир неча полиция ходими жароҳатланди. Шаҳарда пайшанба эрталабигача комендантлик соати эълон қилинди.

6 январ 2021, 16:05

Жек Ма атайлаб яширинаётган бўлиши мумкинлиги айтилмоқда

4 январь куни Alibaba асосчиси Жек Манинг ғойиб бўлганлиги ҳақида хабарлар тарқала бошлади. У сўнгги икки ой давомида оммага кўриниш бермаган. CNBC бошловчиси Дэвид Фабернинг айтишича, у ғойиб бўлмаган ва Ханчжоудаги штаб-квартирада яширинган бўлиши мумкин.

6 январ 2021, 13:40

Тожикистонда электр энергияси таъминоти бўйича чеклов ўрнатилди

Тожикистонда 5 январдан бошлаб соат 23:00 дан қишлоқ хўжалиги бор бўлган туманларда, кўп қаватли бинолари йўқ жойларда электр энергияси таъминоти тўхтатиб қўйилади. Уйларда эрталаб соат 6 гача электр энергияси бўлмайди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг