Жаҳон
Сомон йўлининг аниқ массаси ҳисоблаб чиқилди
Олимлар гуруҳи ҳисоблаб чиққан Сомон йўли галактикаси массасининг янги қиймати аввалги маълумотларнинг деярли ярмига тенг бўлиб чиқди. Улар галактиканинг массаси Қуёш массасидан атиги 550 млрд марта катта деган хулосага келди.
Кимё бўйича Нобел мукофоти даниялик ва америкалик олимларга берилди
Кимё бўйича 2022 йилги Нобел мукофоти америкалик олимлар Каролин Бертоцци ва Барри Шарплесс, шунингдек, даниялик олим Дейн Мортен Мелдалга клик кимёси ва биоортогонал кимё усулларини ишлаб чиққанлиги учун топширилди.
Физика бўйича Нобел мукофоти квант механикаси соҳасидаги тадқиқотлар олиб борган олимларга берилди
Швеция Қироллик Фанлар академияси физика бўйича 2022 йилги Нобел мукофотини олимлар Ален Аспе, Жон Клаузер ва Антон Цайлингерга мураккаб фотонлар билан ўтказган тажрибалари учун топширди.
Шимолий Корея Япония устидан баллистик ракета учирди
КХДР Япония устидан ракета учирди. Япония ҳукуматининг таъкидлашича, тахминан 20 дақиқалик парвоз давомида ракета Тинч океанига қулашга қадар 4500 км дан ортиқ масофани босиб ўтган. Япония Мудофаа вазирлиги бу Шимолий Корея ракетаси учун рекорд масофа эканлигини алоҳида қайд этди.
Неандертал геномини шифрлаган швед генетик олими Нобел мукофотига сазовор бўлди
Швециялик генетик Сванте Паабо неандертал геномини очганлиги учун тиббиёт ва физиология бўйича Нобел мукофотига сазовор бўлди.
Индонезияда футбол ўйинидаги тиқилинчда 174 киши ҳалок бўлди
Индонезиядаги «Канжурахан» стадионида юз берган тиқилинч оқибатида 174 киши ҳалок бўлди, 100 дан ортиқ киши жароҳат олди. Ўзбекистон президенти фожиа муносабати билан Индонезия президентига ҳамдардлик билдирди.
Украина тезлаштирилган тартибда НАТОга аъзо бўлиш учун ариза топширади — Владимир Зеленский
Украина президенти Владимир Зеленский мамлакатнинг НАТОга аъзо бўлиш учун тезлаштирилган тартибда ариза топширишини маълум қилди. У, шунингдек, Украина РФ билан, лекин бу сафар бошқа Россия президенти билан мулоқотга тайёр эканини айтди.
Владимир Путин ДХР, ЛХР, Запорожье ва Херсонни Россияга қўшилиш тўғрисидаги шартномаларни имзолади
Кремлда ўзини ўзи мустақил деб эълон қилган Донецк ва Луганск халқ республикалари, Украинанинг РФ назоратидаги Запорожье ва Херсон вилоятлари ҳудудлари Россия таркибига кириши бўйича келишувлар имзоланди. Владимир Путин ўз нутқида Украинани музокара столига қайтишга чақирди.
Запорожьеда ракета ҳужуми оқибатида 23 киши ҳалок бўлди
Украинанинг Запорожье вилоятида автомобиллар карвонига ракета ҳужуми оқибатида 23 киши ҳалок бўлди, 28 киши жароҳатланди. Вилоят маъмурияти 1 октябрни вилоятда мотам куни деб эълон қилди.
Қирғизистон таълим ва фан вазири пора олаётган пайтда қўлга тушди
Қирғизистон таълим ва фан вазири Алмазбек Бейшеналиев йирик миқдорда — $110 минг пора олаётган вақтида қўлга тушди, деб хабар берди мамлакат ИИВ. Қирғизистон президенти матбуот котиби мазкур иш юзасидан кенг қамровли тергов ўтказилишини маълум қилди.
«Шимолий оқим» газ қувурларидаги портлашларга диверсия сабабчи экани маълум қилинди
Россиянинг Европага газ етказиб берадиган қувури — «Шимолий оқим»нинг иккала тармоғида бирданига учта жойдан газ сизиб чиққан. Дания, Швеция ва Польша ҳукуматлари бунга олдиндан ўйланган ҳаракатлар натижаси ҳисобланган портлашлар сабаб бўлган деган фикрда.
Россия эгаллаб олган ҳудудларда ўтказилган референдумлар натижалари эълон қилинди. Муносабатлар
Маҳаллий Марказий сайлов комиссиялари маълумотларига кўра, ўзини мустақил деб эълон қилган Луганск ва Донецк халқ республикалари, шунингдек, Запорожье ва Херсон вилоятларида ўтказилган референдумларда аҳоли Россияга қўшилиш учун овоз берган. Бунга халқаро ҳамжамият қандай муносабат билдирмоқда?
«Бир киши узоқ муддат президент бўлмаслиги керак» — Тоқаев
«Агар кўп йиллар давомида фақат бир киши энг юқори лавозимни эгаллаб турса, бундай вазият мамлакатни ҳам, унинг раҳбарини ҳам ҳурматли қилмайди», — деди Қозоғистон президенти Қасим-Жомарт Тоқаев. «Биз келажакка ишонч билан қарашимиз, ҳалол ва иқтидорли сиёсатчиларга йўл очишимиз керак», — деди у.
Эрондаги намойишларда 40 дан ортиқ киши ҳалок бўлди
Эронда 22 ёшли Маҳса Амини ўлимидан сўнг давом этаётган тартибсизликларда 40 дан ортиқ одам ҳалок бўлди. Ҳуқуқ ҳимоячиларининг фикрича, ҳақиқий рақамлар бундан ҳам кўпроқ бўлиши мумкин. Amnesty International камида тўрт боланинг ўлими ҳақида хабар берди.
Россия таркибига қўшилиш бўйича ўтказилган референдумларнинг дастлабки натижалари маълум бўлди
Украинанинг Россия томонидан эгаллаб олинган ҳудудларидаги ўзини ўзи мустақил деб эълон қилган ДХР ва ЛХР ҳамда Запорожье ва Херсон вилоятларида РФ таркибига қўшилиш бўйича референдумлар натижалари сарҳисоб қилина бошланди.
NASA`нинг Ер сайёрасини ҳимоя қилиш бўйича камикадзе-зонди Диморф астероидига урилди
NASA агентлигининг DART камикадзе-зонди Диморф астероиди билан тўқнашди. Бу инсониятнинг космик жисмларнинг траекториясини ўзгартириш ва Ер сайёрасини ҳимоя қилиш борасидаги илк уринишидир.
Қисман сафарбарлик бошланганидан бери Қозоғистонга 98 минг россиялик кириб келди
21 сентябрдан бери 98 мингга яқин россиялик Қозоғистонга келди, 64,2 мингдан ортиғи эса чиқиб кетди. «Бизга Россиядан кўплаб одамлар келмоқда. Уларнинг аксари юзага келган чорасиз вазият туфайли кетишга мажбур. Биз уларга ғамхўрлик қилишимиз керак», — дея таъкидлади Қозоғистон президенти.
«Новая газета. Европа»: Қисман сафарбарлик эълон қилингандан кейин 260 мингдан ортиқ эркак Россияни тарк этган бўлиши мумкин
Россияда қисман сафарбарлик эълон қилингач, чақириш ёшидаги эркаклар мамлакатни тарк этишни бошлади. Уларнинг аниқ сонини ҳозирча РФ ҳам, қабул қилувчи давлатлар ҳам эълон қилгани йўқ. «Новая газета. Европа» нашри маълумотларига кўра, бу кўрсаткич 260 мингдан ортиқ бўлиши мумкин.
Махачқалъадаги сафарбарликка қарши намойишларда 101 киши, Якутскда 24 киши ҳибсга олинди
Доғистонда сафарбарликка қарши бошланган ва асосан аёллар иштирок этаётган намойишларда 101 киши ҳибсга олинди. Ёқутистонда ҳам осуохай халқ маросими кўринишида норозилик акцияси ўтказилди, унда 24 нафар аёл ҳибсга олинди.
Россиядаги мактабда юз берган отишмада 13 киши ҳалок бўлди
Номаълум шахс Россиянинг Ижевск шаҳридаги мактабда отишма уйиштирди. Унда 13 киши, жумладан 7 бола ҳалок бўлди, 21 киши эса яраланди. Гумонланувчи ўз жонига қасд қилди. Удмуртияда тўрт кунлик мотам эълон қилинди.
ЭНГ КЎП ЎҚИЛГАН ХАБАРЛАР
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг