Жаҳон
Европарламент сунъий интеллект тўғрисидаги дунёдаги биринчи қонунни маъқуллади
Европа парламенти сунъий интеллектдан фойдаланишни тартибга солувчи қонунни маъқуллади. Бу дунёдаги бундай миқёсдаги биринчи қоидалар тўплами ҳисобланади. Ҳужжат фуқароларнинг ҳуқуқларига таҳдид солувчи СИ тизимларидан фойдаланишни тақиқлайди, шунингдек, СИ таркибини аниқ белгилашни талаб қилади.
Байден ва Трамп президентликка номзодини қўйиш учун етарли бўлган овозларни тўплади
Жо Байден ва Дональд Трамп Демократлар ва Республикачилар партиясидан президентликка номзод сифатида расман кўрсатилиши учун етарлича овоз олди. Бу АҚШ президентлик сайловларида қарийб 70 йил ичидаги биринчи реванш учрашуви бўлади.
Ҳиндистонда фуқаролик тўғрисидаги қонунга киритилган ўзгартиришлар кучга кирди, бу эса оммавий норозиликларга сабаб бўлди
Ҳиндистонда фуқаролик тўғрисидаги қонунга киритилган ўзгартиришлар кучга кирди, бу эса, ҳуқуқ ҳимоячилари фикрига кўра, мусулмонлар ҳуқуқларини чеклайди. Ўзгартиришлар 2019 йилда қабул қилинганди, бироқ мамлакатда бошланган оммавий норозилик намойишлари туфайли кейинга қолдирилган.
Россия ҳудудларига дрон ва диверсантлар ҳужуми уюштирилди. Нималар маълум?
12 мартга ўтар кечаси Россиянинг камида тўққизта ҳудудига дрон ҳужумлари уюштирилди. Нижегород вилоятидаги «Лукойл» НҚИЗда ёнғин содир бўлди, Белгородда эса дрон шаҳар маъмурияти биносига урилди. Украина ҳудудидан келган диверсантлар Курск ва Белгород вилоятларига бостириб киришга уринди.
Европарламент ЕИ санкцияларини айланиб ўтишни жиноят деб ҳисобловчи қонунни маъқуллади
Европарламент Европа Иттифоқи санкцияларини четлаб ўтганлик учун жиноий жазони назарда тутувчи қонунни маъқуллади. Санкцияни бузган шахслар беш йилгача қамоқ жазосига, компаниялар эса жаримага тортилади.
АҚШда ўзбекистонлик эркак хотинини пичоқлади, полиция уни отиб ўлдирди
Нью-Йорк шаҳрида ўзбекистонлик эркак хотинини пичоқлади. У полициянинг пичоқни ташлаш тўғрисидаги талабига бўйсунмагач, отиб ўлдирилди. Аёл ҳозирда шифохонада ва у эрининг вафотидан хабардор эмас.
2024 йил феврали кузатувлар тарихидаги энг иссиғи бўлди
Ўтган февраль ойи бутун дунё бўйлаб кузатувлар тарихидаги рекорд даражада иссиқ февраль бўлди. Бу, шунингдек, ҳаво ҳарорати бўйича кетма-кет рекорд қўйилаётган тўққизинчи ой ҳисобланади. Сайёранинг айрим ҳудудларида ҳаво ҳарорати ўртача кўрсаткичдан 3,3 даражага юқори бўлган.
Швеция расман НАТОга қўшилди
Расмий равишда НАТОга қўшилган Швеция Шимолий Атлантика альянсининг 32-аъзосига айланди. Ҳарбий блокка қўшилишдан олдин Стокгольм 200 йилдан ортиқ вақт давомида бетарафлик сиёсатига амал қилган.
Исроил ва ҲАМАС ўртасидаги музокаралар боши берк кўчага кириб қолди — Reuters
Исроил ва ҲАМАС ўртасидаги Рамазон ойи олдидан Ғазода ўт очишни тўхтатиш ва гаровга олинганларни алмашиш бўйича музокаралар тўхтаб қолди, анклавдаги гуманитар вазият эса ёмонлашишда давом этмоқда, деб ёзди Reuters.
Республикачи Никки Ҳейли АҚШ президентлиги учун курашдан чиқди
Дональд Трампнинг партиядаги ягона рақиби Никки Ҳейли президентлик пойгасини тарк этишини маълум қилди. Аммо у ҳозирда Республикачилар партиясидан президентликка ягона номзод бўлиб қолаётган Трампни қўллаб-қувватламади.
Дунё бўйлаб мартдан майгача ҳарорат меъёрдан юқори бўлиши кутилмоқда — WMO
Бутунжаҳон метеорология ташкилоти прогнозларига кўра, Эль-Ниньо табиат ҳодисаси заифлашмоқда, аммо глобал иқлимга таъсир қилишда давом этади, бу эса март ва май ойлари орасида деярли барча қуруқлик ҳудудларида меъёрдан юқори ҳарорат бўлишига олиб келади.
Қирғизистонда жамоат жойларида тамаки чекканлик учун жарима миқдори оширилди
Қирғизистон ҳукумати жамоат жойларида тамаки чекканлик учун жарима миқдорини уч баравар — 33,5 долларгача оширди. Болаларга тамаки маҳсулотлари сотганлик учун жарима миқдори ҳам оширилди.
Канада ҳосписидаги бемор ўлимидан олдин «Дюна 2» фильмини кўришни истади. Фильм режиссёри премьерадан 1,5 ой олдин унга фильм нусхасини жўнатди
Канададаги ҳоспис асосчиси Facebook`да беморлардан бири вафотидан олдин «Дюна 2» фильмини кўришни истаётгани ҳақида ёзди. Фильм режиссёри Дени Вильнёв премьерадан 1,5 ой олдин унга ассистенти орқали фильм нусхаси ва компьютерини юборди. Бемор фильмни томоша қилганидан бир неча кун ўтгач вафот этди.
Гаагадаги Халқаро суд икки россиялик қўмондонни ҳибсга олишга ордер берди
Гаагадаги Халқаро жиноий суди Россиянинг узоқ масофага учувчи авиацияси ва Қора денгиз флоти қўмондонларини ҳарбий жиноятларни содир этганликда гумон қилиб, ҳибсга олишга ордер берди. Суд улар ўтган қишда Украина энергетика инфратузилмасига қилинган ракета ҳужумлари учун жавобгар, деб ҳисоблайди.
Франция ўз Конституциясига аборт ҳуқуқини киритган дунёдаги биринчи давлат бўлди
Франция ўз Конституциясида аборт қилиш ҳуқуқини мустаҳкамлаб қўйган дунёдаги биринчи давлат бўлди. Асосий қонунга киритилган ўзгартириш кўпчилик депутатлар томонидан қўллаб-қувватланди. Президент Эммануэль Макрон қарорни миллий ғурур ва бутун дунёга сигнал деб атади.
АҚШ қирғизистонликлар учун сайёҳлик ва ишбилармонлик визалари муддатини 5 йилдан 10 йилга узайтирди
АҚШ Қирғизистон фуқароларига бериладиган сайёҳлик ва ишбилармонлик визаларининг амал қилиш муддатини 5 йилдан 10 йилгача узайтирди. Бундан ташқари, Қирғизистон паспорти эгалари учун B1, B2 ва B1/B2 визасига ариза топшириш учун 20 доллар миқдоридаги йиғим бекор қилинди.
АҚШ Олий суди Трампнинг президентлик сайловларида иштирок этишига рухсат берди
АҚШ Олий суди Дональд Трамп президентликка номзодини қўйиш ҳуқуқига эга экани ҳақида қарор чиқарди. Аввалроқ Колорадо судьялари Трампга Капитолийга бостириб кирганлик иши бўйича қўйилган айбловлар туфайли уни сайлов бюллетенига киритишни тақиқлаган эди.
Шаҳбоз Шариф Покистоннинг янги бош вазири бўлди
Ҳукумат собиқ раҳбари Наваз Шарифнинг укаси Шаҳбоз Шариф Покистоннинг янги бош вазири этиб сайланди. Унинг номзоди саккиз партиядан иборат коалиция томонидан илгари сурилганди.
Ўзбекистон Freedom House эркинлик рейтингида яна 12 балл тўплади
Freedom House`нинг янги эркинлик рейтингида Ўзбекистон 100 баллдан 12 балл тўплади — мамлакат ҳали ҳам «эркин эмас» мақомида. Марказий Осиёнинг бошқа давлатлари ҳам шу тоифада қолмоқда. Финляндия энг юқори ўринни олди.
Олмаота яқинида кучли зилзила содир бўлди, аҳоли ваҳима сабаб кўчага чиқди
Олмаота яқинида 6,1 магнитудали зилзила юз берди, шаҳарда зилзила кучи 5 баллни ташкил этди. Метро фаолияти тўхтатилди, полиция кучайтирилган иш тартибига ўтказилди. Кўплаб шаҳарликлар ваҳима ичида кўчага чиқди.
Энг кўп ўқилган хабарлар | Сўнгги янгиликлар
- «Манипулятив диктаторлар устози» Альберто Фухимори эркин ОАВ билан қандай курашган эди?
- Марказий Европада кучли сув тошқини юз берди, камида 15 киши ҳалок бўлди
- Тоқаев Бразилия ва Хитойнинг Украина бўйича тинчлик режасини қўллаб-қувватлади
- АҚШда Трампга қарши янги эҳтимолий суиқасдга уриниш текширилмоқда
Қўшимча имкониятларга эга булиш учун сайтда рўйхатдан ўтинг